Pasqyra e shtypit

botuar më 13-12-06 9.44.PD

Miratuan kornizën buxhetore për vitin e ardhshëm, po thuaj me gëzim shpall gazeta “Novinar”. Maratona për buxhetin në Parlament vazhdoi ditë të tretë të radhës të enjten. Që të miratojnë të gjitha tekstet deputetët e zgjatën ditën e punës në 20 orë. Ata pakësuan paratë e Parlamentit, Presidencës dhje aplikuan taksën e parashikuar prej 20 % për prodhuesit e energjisë së gjelbër elektrike. Të ardhurat e planifikuara për vitin e ardhshëm janë mbi 19,2 miliardë leva, ndërsa shpenzimet e parashikuara janë 9,9 miliardë leva. Dhe të ardhurat edhe shpenzimet janë më shumë se sa ishin planifikuar në buxhetin e vitit 2013, saktëson gazeta.
***
Në gazetën “24 orë” i kushtohet vëmendje e posaçme 230 milionë levave që do të drejtohen te të rinjtë deri në moshën 25 vjeçe në dy vitet e ardhshme që të gjejnë punë. Për vitet 2014-2015 vetëm nga BE Bullgaria do të marrë mbi 110 milionë euro, 55 milionë do të jenë nga Fondi Social Evropian dhe të tjerat nga burime të tjera.
***
Komisioni Evropian kërkon marrëveshje të reja për gazsjellësin “Rryma jugore“ lexojmë në gazetën “Duma”. Të gjitha marrëveshjet dypalëshe që janë lidhur midis Bullgarisë dhe Rusisë, Serbisë, Hungarisë, Greqisë, Sllovenisë, Kroacisë dhe Austrisë shkelin legjislacionin evropian dhe duhet të negociohen përsëri. Këtë e shpalli Marlene Holcner zëdhënëse e komisionarit për energjetikën Gynter Jotinger, e cituar nga Radio Kombëtare Bullgare. Nëse Rusia nuk është dakord për bisedime të reja dhe ndonjë prej vendeve anëtare të BE do të vazhdojë të realizojë marrëveshjen dypalëshe në pamjen e saj të tanishme, kudër këtij vendi do të fillojë procedurë ndëshkimore, thekson Holcner. Sipas fjalëve të saj KE nuk e pezullon ndërtimin ose veprimet përgatitore për këtë gazsjellës, por bën të nevojshmen që nëpër të të kalojë më shumë gaz dhe kjo të jetë në përputhje me normat evropiane.
***
Kina na dhuron 200 km rrugë, shënon në faqen e saj të parë gazeta “Standart”. Investojnë 1 miliard leva në gjeneratorë me erë. Kinezët do të na dhurojnë 200 km rrugë në Bullgarinë verilindore. Kjo është pjesë prej marrëveshjes së investitorit kinez me bashkitë në territorin e të cilëve do të ndërtohet parku i prodhimit të energjisë elektrike nga era. Pritet nga kjo në buxhetin të hyjnë akoma 100 milion leva, ndërsa bashkitë do të fitojnë 5,4 milion leva dhe do të hapen mbi 750 vende të reja pune.
***
Në një intervistë për gazetën “Presa” guvernatori i Bankës Popullore Bullgare Ivan Iskrov na bind se “Ekonomia ka mundësi për rritje më të madhe”. Sipas tij në vend ka stabilitet dhe institucionet po punojnë, ndera kjo vlerësohet edhe nga investitorët më tepër në sektorin financiar. BKB prognozon për vitin 2014 1,9% rritje ekonomike. Ndihmesë për këtë, edhe pse jo e madhe mund të ketë edhe rritja e konsumit, shpenzimet e qeverisë dhe investimet private. Por akoma disa vite Produkti i Brendshëm Bruto nuk do të arrijë volumin e vet potencial. Për fat ekonomia jonë doli se është mjaft e aftë për konkurrencë. Bile edhe gjatë këtij viti, i cili është shumë i rënd për eurozonën e cila është partneri ynë kryesor, kemi 8% rritje më të madhe të eksportit gjatë nëntë muajve të parë të vitit. Përveç kësaj firmat tona janë shumë të afta dhe arrijnë të gjejnë tregje të reja, thekson Iskrov.
***
Gazeta “Standart” dhe botime të tjera nuk harrojnë të shënojnë se gjithçka nuk është vetëm e mirë. Një grup studentësh protestuan kundër propozimeve në ligjin për MPB. Dhjetëra domate dhe molla si edhe fishekzjarrë fluturuan te godina e Kuvendit popullor dje në protestën e tyre. Një pjesë prej “Studentëve që zgjohen herët” u mblodhën për ligjin e ri për MPB. Atyre iu bashkuan edhe pjesë prej protestuesve që filluan të hedhin domate . molla dhe fishekzjarrë. Muret e Kuvendit Popullor ishin njollosur me ngjyrë të kuqe. Nëntë veta ishin të arrestuar, shënon gazeta.

Përgatiti në shqip: Zoja Kostadinova

По публикацията работи: Radosllav Dikov

Последвайте ни и в Google News Showcase, за да научите най-важното от деня!

Ndaje

Pasqyra e shtypit

Më shumë nga rubrika

Kryebashkiaku i Sofjes kërkon fonde për transport më të mirë dhe efikasitet energjetik

Nuk do të ketë para evropiane për Planin Kombëtar të Rimëkëmbjes dhe Qëndrueshmërisë

Bullgaria do të ndërtojë kapacitete balancuese të energjisë elektrike në Ballkan

Kryeministri edhe një herë shprehu bindjen se nuk do të ketë personel ushtarak bullgar në Ukrainë

Bullgaria kërkoi një raport të jashtëzakonshëm të konvergjencës për euron

Parashikimi i motit për 26 janarin 2025