“Në vazhdim të nëntë ditëve të rinjtë njiheshin me metoda të ndryshme interaktive, të lidhura me besimin në vetvete – tregon Marina Grënçarova, kryetare e Shoqërisë së Psikologëve të Rinj në Bullgari. – Tërë trajnimi u është nënshtruar praktikave të Tibetit, të cilat janë duke u zhvilluar në drejtimin psikoterapeutik dhe gradualisht përhapen edhe te ne. Kjo metodë e ka emrin Unity in Duality. Ky është sekreti i qetësimit të brendshëm dhe i pajtimit të personalitetit me botën që e rrethon.”
Psikologët e rinj dëgjuan ligjëratat e një prej emrave të mëdhenj në psikologji dhe tibetologji – Lene Hendberg, profesor nga Universiteti i Kopenhagës. Në vazhdim të 20 viteve ai bashkë me mësuesin e vet Tarab Tulku Rimpoçe, kanë përgatitur kurse kushtuar mësimit të filozofisë së lashtë Unity in Duality. Sa për aplikimin e kësaj metode konkretisht në punën me të rinjtë nevojtarë, pjesëmarrësit në trajnim patën mundësinë për t’u mësuar nga Lisa Vjuriner – pedagoge e psikologjisë dhe tibetologjisë në Universitetin e Kopenhagës. Në trajnimin e të rinjve u përfshinë gjithashtu dhe metoda bashkëkohore, si art-terapia, dhe mënyra moderne konsultimi të të rinjve nevojtarë, që të mund të besojnë në vetvete dhe të ndihen të dobishëm dhe të sigurt.
“Përveç kësaj çdo mbrëmje pjesëmarrësit nga vendet e ndryshme prezantonin studime të përgatitura paraprakisht për punën me të rinjtë nevojtarë, për metodat konkrete, për pluset dhe minuset e tyre – vazhdon Marina. – Në fund organizuam dhe një takim në Bansko me drejtorët e institucioneve, të cilat punojnë me të rinjtë nevojtarë, që të njihemi me përvojën e tyre praktike.”
Të gjithë pjesëmarrësit nuk do të harrojnë kurrë ditën e fundit në qytetin malor Bansko. Ja përse: “Gjatë projektit ishim në Bansko me të rinjtë nga jetimoret dhe nga qendrat ditore – shpjegon Marina. – Bashkë me ta aplikuam metodat e trajnimit, duke pikturuar, kënduar dhe vallëzuar. Përdorëm njëkohësisht trupin dhe të menduarit tonë. Ishte një përjetim i jashtëzakonshëm. Kështu praktikisht realizuam një prej qëllimeve tona konkrete – jo vetëm ta përgatitim një grup njerëzish të rinj, por edhe t’i motivojmë për t’i transferuar këto dituri në organizatat e tyre.”
Përgatiti në shqip: Vesella Mançeva
Fotografitë janë ofruar nga Shoqëria e Psikologëve të Rinj në Bullgari
Diversiteti kulturor dhe gjuhësor – pikërisht kjo e dallon Bashkimin Evropian dhe gjuhët e folura në komunitet janë një pjesë e rëndësishme e trashëgimisë kulturore të Evropës. Ka 24 gjuhë zyrtare në BE dhe sa herë që në të anëtarësohen shtete..
Emrat e këtij Komisioni Evropian nuk janë më spekulime apo hamendje, por fakt. Struktura gjithashtu dhe ajo që është e qartë është se janë 6 nënkryetarë ekzekutivë por struktura e nënkryetarëve të zakonshëm është hequr. Siç pritej, secila prej..
Pas ditës së parë të shkollës për nxënësit në Bullgari - 15 shtator - vjen koha për të nisur vitin e ri shkollor edhe për studentët, pasi shumica e institucioneve të arsimit të lartë në vendin tonë hapin dyert më 1 tetor. Në këtë interval prej rreth dy..
Kujtimet e Bullgarisë në 100 vitet e fundit mund t'i tregojnë 300 gra dhe 96 burra. Në Sofje ka më shumë njëqindvjeçarë, sipas të dhënave të..
Fermerët në Europë vazhdojnë të përballen me vështirësi dhe sprova të mëdha, si në treg ashtu edhe për shkak të ngjarjeve të jashtëzakonshme që ndikojnë..
Interesi për të studiuar jashtë te të rinjtë bullgarë po rritet - me 30% më shumë krahasuar me një vit më parë, dhe numri i studentëve që largohen..
Vranësira të dendura
Pjesërisht me re