Eurozona doli nga recesioni, Bullgaria është në kufi

botuar më 13-08-29 9.54.PD

Ekonomia bullgare është në kufijtë e recesionit. Të dhënat e Institutit Kombëtar të Statistikës tregojnë se, PBB-ja po ulet me 0.1 për qind gjatë tremujorit të dytë të vitit kundrejt tremujorit të parë. Megjithëse tri vitet e fundit ekonomia bullgare shkonte në rritje, pavarësisht tempeve të ngadalta, nuk u regjistrua asnjë ulje. Mirëpo, sot ekonomia e vendit është në kufijtë e pakësimit dhe recesionit.

Ndërkohë, sipas Eurostatit BE-ja është duke dalë nga recesioni, bile për tremujorin e dytë ka regjistruar rritje prej 0.3 për qind. Përveç Bullgarisë, ulje në ekonomi shënojnë dhe Italia, Spanja, Suedia, Holanda dhe Qiproja. Nga gjendja e ekonomisë gjatë tremujorit të dytë varet a Bullgaria do të bjerë në recesion ose do të mbetet në pakësim.

Si përmirësimi i situatës ekonomike në BE do të ndikojë mbi ekonominë bullgare?
“Siç jemi në dijeni nga kriza e 2009-ës, ekonomia bullgare regjistron një vonesë relative me 3-4 muaj kundrejt ndodhisë në Eurozonë dhe në vendet e tjera anëtare të BE-së – komentoi Desisllava Nikollova nga Instituti i Ekonomisë së Tregut. – D.m.th. shifrat negative që regjistruam gjatë tremujorit të dytë mund të shndërrohen me ato pozitive gjatë tremujorit në vijim dhe dalja e BE-së nga recesioni të ndihet te ne në vjeshtë. Mbase eksporti do të rikthehet në normat e tij normale dhe të favorshme për ekonominë vendase. Pra, bujqësia dhe shërbimet vazhdojnë të regjistrojnë tempe minimale të rritjes. Të dhënat e fundit për ekonominë evropiane japin pak a shumë shpresa që recesioni ekonomik në Bullgari mund të evitohet. Sigurisht se përballimi i krizës politike në Bullgari do të kontribuonte në rritjen ekonomike. Për shkak të mosmarrëveshjeve politike, investimet në vend gjatë tremujorit të dytë shënojnë pak pakësim kundrejt tremujorit të mëparshëm. Kjo ishte periudha kur në Bullgari qeveria dha dorëheqje, u emërua qeveri teknike, u zhvilluan zgjedhje të parakohshme parlamentare dhe më pas filluan protestat kundër dhe pro pushtetit të ri.”

Të dhënat e statistikës kombëtare tregojnë se, ekonomia bullgare është në kufijtë e recesionit. Kryeministri Pllamen Oresharski gjithashtu e komentoi atë. Ulja e ekonomisë ka të bëjë me sektorin agrar, i cili zakonisht është mirë, por gjatë tremujorit të dytë u pakësua me 1.2 për qind.

Specialistja Nikollova është pozitive për nga dalja e Bullgarisë nga recesioni. “Nuk mund të pritet një rritje e konsiderueshme ekonomike. Më tepër do të vërejmë rritje prej 0.5 për qind, maksimum 0.7 për qind – tha Desisllava Nikollova. – Në asnjë rast kjo përqindje nuk i mjafton Bullgarisë për ta arritur normën e rritjes ekonomike. Po na pret edhe një vit tjetër i pakësimit në ekonomi dhe në tregun e punës. Të ardhurat a do të rriten me nga pak, a s’do të lëvizin fare. Kështu që nuk mund të themi se periudha e krizës dhe pakësimit, e cila filloi më 2009 do të evitohet gjatë 2013-ës.”

Përgatiti në shqip: Anna Kapitanova

По публикацията работи: Tanja Harizanova

Последвайте ни и в Google News Showcase, за да научите най-важното от деня!

Ndaje

Eurozona doli nga recesioni, Bullgaria është në kufi

Më shumë nga rubrika

Konfederata e Sindikatave të Pavarura në Bullgari (KNSB): Më të varfërit në Bullgari vazhdojnë të varfërohen, dhe kjo ndodh me ritme më të shpejta

Me një shkëmbim prej 12 miliardë eurosh Gjermania është partneri kryesor tregtar i Bullgarisë

Bullgaria, bullgarët dhe trazirat në botën e kriptomonedhave

Konkurrueshmëria e ekonomisë evropiane është një temë kyçe në PE sipas eurodeputetëve bullgarë