Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Emocione verore të xhazit në Bankso

Foto: Архив

Më 3 gusht fillon Festivali Ndërkombëtar i Xhazit në qytetin Bansko. Ky është edicioni i 15-të i këtij forumi prestigjioz. Këtë përvjetor organizatorët e shënojnë me programe të ndryshme në vazhdim të 9 mbrëmjeve. Afro 20 vende do të prezantohen me përfaqësues të vet në programin e festivalit.

Sipas traditës koncertet janë në skenën e hapur dhe janë falas për publikun. Përjashtim bëjnë vetëm dy koncertet e para – më 3 gusht, kur inaugurohet skena e re e koncerteve në qytet. Të parë në sallën “Florimont” do të prezantohen këngëtarja xhaz Jëlldëz Ibrahimova dhe Big Benda e Radios Kombëtare Bullgare me dirigjent Antonij Donçev.

Big Benda e Radios Kombëtare Bullgare do të ketë edhe një koncert tjetër – më 4 gusht, kur do të jetë hapja zyrtare e festivalit. Miq special të programit do të jenë Kamelija Todorova dhe Vasill Petrov. Në fakt festivali, që organizohet që nga vitet 90-të të shekullit të kaluar, ndryshoi pamjen e qytetit Bansko. Çdo verë këtu vijnë qindra muzikantë dhe admirues të muzikës xhaz. Sipas traditës krahas interpretuesve dhe ekzekutuesve të shumtë në skenën e festivalit prezantohen edhe orkestra të mëdha xhaz. Sivjet ndër miqtë është IKS Big Band nga Gjermania. Për herë të parë në festivalin në Bansko do të prezantohet një orkestër nga Brazilia me udhëheqës Aleshandre Kunja. Ndër novitetet e programit është prania e këngëtarëve operistik. Bojko Cvetanovi – tenor dhe Stojan Bonçevi – bas do të prezantohen bashkë me trion e muzikantit Aleks Zografov, një bullgar i cili prej vitesh jeton dhe punon në SHBA-në. Në hapjen e festivalit do të prezantohet edhe bashkatdhetari Mario Stançev, i cili prej vitesh jeton dhe punon në Francë.

Përgatiti në shqip: Svetllana Dimitrova

По публикацията работи: Allbena Bezovska


Последвайте ни и в Google News Showcase, за да научите най-важното от деня!

Më shumë nga rubrika

Mijëra i thanë lamtumirën legjendës së rock-ut Kirill Mariçkov

Mijëra admirues, të afërm dhe miq të legjendës bullgare të rockut Kirill Mariçkov u dyndën në kishën "Shën Sofia" të kryeqytetit për t'u përkulur para eshtrave mortore të muzikantit dhe për të thënë "Lamëtumirë". Në të njëjtën kohë, adhuruesit e..

botuar më 24-10-15 4.58.MD

"Vendimi i fundit" - Ljubo Kirov për zgjedhjet në dashuri

Ljubo Kirov prezanton këngën më të fundit nga albumi i tij "Zemra e re". Është “një shpërthim rok” i titulluar "Vendimi i fundit". Dhe këtu, mbi muzikë, Ljubo përsëri punon me kitaristin dhe producentin muzikor Angell Djullgerov, i cili është..

botuar më 24-10-14 6.15.PD
Kirill Mariçkov

U nda nga jeta muzikanti i dashur bullgar Kirill Mariçkov

Ka ndërruar jetë këngëtari, muzikanti dhe kompozitori bullgar Kirill Mariçkov. Tragjedia ka ndodhur në një incident në fshatin Sellanovci (Bullgaria Veroperëndimore), ku muzikanti i rock-ut duhej të kishte një koncert me "Fondacijata", njoftoi..

botuar më 24-10-11 9.24.MD