Një kombinim i ritmeve house dhe tekno, i linjave të thella të basit, i melodive dhe harmonive magjepsëse, muzikës së bukur pop dhe vokaleve autentike etno - kjo është muzika e dyshes The KHANS. Ata janë Petër Aleksiev - kompozitor dhe producent, dhe Atanas Borisov - DJ dhe producent.
Kompozimi i tyre i fundit "Tears Of Heaven" u krijua posaçërisht për skenën italiane dhe ndërthur teknikën e errët melodike me këngët korale madhështore latine, duke mishëruar maksimat e mendimtarëve të mëdhenj. Motoja kryesore në këngë është "Vivere est militare" ("Të jetosh është të luftosh") - një citat nga filozofi Seneka.
Zëri në "Tears Of Heaven" është i Gergana Dimitrova - Bellonoga, e njohur si soliste në korin me famë botërore "Misteri i Zërave Bullgarë" i cili është fitues i Grammy, por edhe për projektet e saj të suksesshme solo. Për pjesëmarrjen e saj, Petër Aleksiev thotë:
"Bellonoga është ndoshta një nga zërat më të mëdhenj në historinë moderne bullgare dhe rrugët tona u ndërthururën natyrshëm."
Për ndikimin e "Tears Of Heaven" ka kontribuar edhe videoja e krijuar nga doajeni i animacionit bullgar, Aleksandër Sokerov.
Përgatiti në shqip dhe publikoi: Vesella Mançeva
Këngëtarja Ivelina Kollaksëzova - IVE dhe autori, producent dhe interpretues me popullaritet në rritje Ljubomir Bojanov - Chaz prezantuan këngën e tyre të re "Vrapoj". Ajo është një vazhdim i historisë për të cilën ata bënë aluzion në këngën e tyre..
Opera më e vjetër jo-kryeqytetëse në Bullgari – Opera e Stara Zagorës, e cila feston një përvjetor mbresëlënës këtë sezon krijues, paraqet kryeveprën e Verdit "Rigoletto" më 28 dhe 29 mars. Ekipi i produksionit drejtohet nga këngëtari dhe..
Kristian Kostov, edhe pse i ri, tashmë është një interpretues dhe autor i njohur. Ai la një përshtypje të fortë gjatë sezonit të katërt të X Factor në vendin tonë, duke arritur në finalen e madhe dhe duke fituar një audiencë të madhe. Më pas ai u shfaq..