Çdo vit mijëra turistë i janë të nënshtruar magjisë të njërit prej maleve më të bukura bullgare – Pirin në Bullgarinë Jugperëndimore. Qytezat dhe fshatrat, e shpërndara në të dhe përreth, mahnitin me jetën autentike, kulturën dhe traditat. Kuzhina vendase propozon gjellëza nga më të ndryshmet, kurse përveç recetës kulinare, miqtë e kësaj krahine mund të marrin me vete dhe prodhime të zanatçinjve.
Stina turistike e verës në Pirin dhe përreth është në kulm. Mali ka hapur prehrin e vet për të gjithë, kurse miqtë e tij do të mund të bëhen pjesë nga festimet e përvitshme “Ditë të Pirinit”, të cilët do të vazhdojnë deri në fund të vitit: “Viti 2012 është jubile për Parkun Kombëtar Pirin – ve në dukje Liljana Dekova, eksperte mbi veprimtarinë arsimuese pranë parkut. – Mbushen 50 vjet nga krijimi i territorit të mbrojtur dhe të gjitha veprimtaritë tona gjatë këtij viti i janë kushtuar jubileut, përfshi dhe festat tradicionale “Ditë të Pirinit”, të cilat ne i organizojmë për vit të 10 të radhës në partneritet me baskitë rreth parkut. Çdo vit formati i festave është i ndryshëm. Por qëllimi është i njëjtë – njohje të miqve me bukurinë e malit dhe një larmi të pasur prej pyjeve, llojeve bimore dhe shtazore, të ruajtur në territorin e parkut, tërheqjen e turistëve bullgarë dhe të huaj drejt skajeve të panjohura nga mali dhe vendet e populluara përreth. Pirinë është emër, i cili është i pranishëm në folklorin bullgar dhe këngët, të cilat i kushtohen malit, janë një pjesë e pandarë nga “Ditët e Pirinit”. Njerëzit, të cilët janë bërë një pjesë nga këto festime, ruajnë kujtime të shkëlqyera për zërat e interpretuesve popullor, për kostumet e tyre të larmishme, për shijen e verës dhe ushqimet vendase.”
Parku “Pirin” është një nga 3 parqet kombëtare të Bullgarisë. Përfshin pjesën më të madhe nga territori i malit dhe është një vend i preferuar për ekologët dhe mbrojtësit e natyrës. Një pjesë nga “Ditët e Pirinit” janë kampet ekologjike të përvitshme arsimuese me nxënës nga vendi dhe nga jashtë. Festat e sivjetshme filluan me një tubim të madh turistik. Do të ketë dhe një vizitë me në partneritet me Bashkinë e Sandanskit, si edhe kalim nëpër itinerarin ndërkombëtar turistik E4, me pjesëmarrjen e shoqërive turistike nga baskitë pranë parkut:
“Po kështu dhe një iniciativë të madhe për pastrimin e itinerareve turistike malore me pjesëmarrjen e vullnetarëve nga i gjithë vendi – shton Liljana Dekova. – Do të organizohet dhe një shkollë e gjelbër ekologjike me pjesëmarrjen e të rinjve nga i gjithë vendi, anëtarë të organizatave të ndryshme ekologjike të rinisë. Kemi parashikuar dhe një ekspozitë udhëtuese “Pirin nga vështrimi i zogut” me fotografi të malit përmes stinëve të ndryshme.”
Parku Kombëtar “Pirin” është një nga territoret më interesante botanike në Bullgari. Në të ka një numër të madh llojesh bimore nën mbrojtjen e Ligjit për mbrojtjen e natyrës, disa prej tyre janë vendase, të tjerë endemite ballkanike. Një përfaqësues karakteristik i llojeve të mbrojtura bimore është edelvajsi (ylli alpin) i cili me kalimin e kohës është kthyer në simbol të Pirinit. Në territorin e Parkut kombëtar gjendet dhe një kureshtje tjetër natyrore – pisha e Bajkushevit, nga lloji pisha e zezë, e cila me moshën e vet prej mbi 1300 vjet është një nga pemët më të vjetra në Bullgari.
Optimizëm i kujdesshëm për Sirinë - ky është pozicioni që ka mbizotëruar deri më tani në BE që nga rënia e regjimit të Bashar Asadit. Shumica e politikanëve në Komunitet janë të kujdesshëm ndaj grupit "Hajat Tahrir al-Sham" dhe udhëheqësit të tij Ahmed..
Plaku i Krishtlindjeve do të shpërndajë dhurata për kafshët në Kopshtin Zoologjik të Burgasit më 25 dhjetor. Planifikohet një turne festiv nëpër kopshtin zoologjik, si dhe një kuiz me dhurata për fëmijët, njofton Bashkia e Burgasit. Veprimtaria është..
Secila prej tyre sjell ngrohtësi dhe ngjall emocione, sepse është bërë me dorë dhe është e papërsëritshme dhe unike. Dhe shkëlqimet e saj të argjendta na kthejnë në fëmijëri, kur dimrat ishin të ashpër dhe të bardhë si bora, dhe lodrat e..
Secila prej tyre sjell ngrohtësi dhe ngjall emocione, sepse është bërë me dorë dhe është e papërsëritshme dhe unike. Dhe shkëlqimet e saj të argjendta..
Plaku i Krishtlindjeve do të shpërndajë dhurata për kafshët në Kopshtin Zoologjik të Burgasit më 25 dhjetor. Planifikohet një turne festiv nëpër..
Optimizëm i kujdesshëm për Sirinë - ky është pozicioni që ka mbizotëruar deri më tani në BE që nga rënia e regjimit të Bashar Asadit. Shumica e politikanëve..
Reshje shiu/dëbore
Vranësira të dendura me shi
Reshje
Dëborë 
Reshje intensive