Çfarë tregoi vlerësimi kombëtar i nxënësve të klasës së shtatë?

botuar më 12-06-13 12.24.MD

Foto: BGNES

Rezultatet nga vlerësimi kombëtar të nxënësve të klasës së shtatë gjatë këtij viti janë më të larta në krahasim me vitin e kaluar. Ata janë paraqitur më mirë në provimet në gjuhën bullgare dhe në letërsi, matematikë, kimi dhe mbrojtjen e mjedisit rrethues, biologji dhe arsimi shëndetësor, sesa nxënësit të cilët kanë përfunduar klasën e shtatë gjatë vitit të kaluar. Këtë e tregojnë të dhënat e përgjithësuara nga provimet e sivjetshme, të paraqitura në Ministrinë e arsimit, rinisë dhe shkencës.

Një vlerësim i ngjashëm bëhet për vit të tretë të radhës në Bullgari. Ai bëhet me qëllim të saktësojmë shkallën, në të cilën nxënësit kanë përvetësuar dijet dhe mjeshtëritë, të parashtruar në programin mësimor për klasën e shtatë, të domosdoshme për vazhdimin e suksesshëm gjatë etapë tjetër arsimuese. Mesatarja e përgjithshme në gjuhë dhe letërsi është shumë e mirë 4,51, kurse në matematikë – 4,30 gjatë shkallës, ku nota më e ulët është 2, kurse ajo më e larta – 6. Vetëm 5 nxënës të klasës së 7 nga i gjithë vendi kanë arritur numrin maksimal të pikëve në gjuhë dhe në letërsi dhe kanë marrë një 6 të plotë. Në testimin në matematikë mjaft më shumë janë fëmijët (161) të cilët kanë fituar një vlerësim maksimal. Notat e dobëta janë mjaft më shumë në të dyja lëndët.

Çfarë më tepër i ka vështirësuar nxënësit e sivjetshëm të klasës së shtatë?

“Të ndryshme janë ushtrimet të cilat kanë vështirësuar nxënësit e veçantë – sqaron Milena Damjanova, zëvendësministre e arsimit, rinisë dhe shkencës. – E mira është se, ata i kanë zgjidhur ushtrimet e reja të përfshira, që për ne është një gjë shumë e rëndësishme. Këto janë detyrat e tipit të hapur dhe detyrat e tipit PIZA (studimi ndërkombëtar PISA), të cilat janë për analizë dhe për nxjerrje të informacionit. Për shembull kishte një ushtrim, i cili kërkonte nga nxënësit të zbulojnë lidhjen midis përmbajtjes të një teksti të dhënë dhe informatës, e cila është treguar në tabelë. Me këtë nxënësit e kishin përballuar shumë mirë, që është një lajm shumë i mirë. Tregimi i sinonimeve të një fjale në fjali, përcaktimin e motivacionit nga studimi i tekstit artistik, shpjegimi i rëndësisë të togfjalëshit frazeologjik – këto janë ushtrimet, te të cilat kemi rezultate të larta nga ana e nxënësve. Fëmijët kanë pasur vështirësi gjatë përcaktimit të llojit të fjalisë së ndërlikuar dhe zbulimin e gabimeve të fundit të fjalisë. Këto janë detyrat më shpesh të takuara, mbi të cilat duhet të ngulmohet.”

Dhe gjatë këtij viti mesatarja më e lartë e mesme është e arritur nga nxënësit në Sofje, të pasuar nga ata në Gabrovo, Varna dhe Smoljan. Në fund të klasifikimit janë nxënësit nga klasa e shtatë nga qytetet Dobriç, Silistra dhe Razgrad. Me rezultate më të larta janë nxënësit e gjimnazeve matematikore në Sofja, Ruse, Varna dhe Burgas dhe një shkollë private e kryeqytetit. Krahasimi i suksesit të nxënësve të klasës së shtatë me rezultatet e tyre, kur kanë qenë në klasë të 4, tregon se, atëherë ata i kanë përballuar më mirë. Sipas ekspertëve kjo vjen nga fakti se, në klasë të 4 nxënësit punojnë vetëm me një mësues, derisa në etapën e tetëvjeçares mbi çdo një lëndë ka mësues të ndryshëm. Një shkak tjetër është se përmbajtja mësimore në klasë të 7 është shumë më e ndërlikuar.

Rezultatet nga vlerësimi kombëtar japin po kështu mundësi t’u bëhet analizë dobësive në sistemin tonë të arsimit, mbi bazën e të cilit të merren masa konkrete për evitimin e tyre. Deri në mesin e muajit gusht do të jenë gati programet e reja mësimore nga klasa e parë deri në klasën e dhjetë dhe pas kësaj do t’i nënshtrohen debatit shoqëror. “E përgjithshmja për të gjitha programet e aktualizuara është se në to do të parashtrohet si përkatësi 60 për qind për fitimin e dijeve të reja dhe 40 për qind – për ushtrime praktike dhe punë mbi projekte”, sqaroi zëvendësministrja Damjanova. Përveç masave në një nivel kombëtar, sipas saj çdo një inspektorat regjional dhe çdo shkollë do të duhet të bëjnë një analizë personale të rezultateve të arritura të nxënësve të vet dhe të shënojnë hapat për mënjanimin e problemeve.

Përgatiti në shqip: Nataniela Vasileva

По публикацията работи: Rumjana Cvetkova

Последвайте ни и в Google News Showcase, за да научите най-важното от деня!

Ndaje

Çfarë tregoi vlerësimi kombëtar i nxënësve të klasës së shtatë?

Më shumë nga rubrika

Antarktida është motori i ndryshimeve klimatike

WWF - Bullgaria nis fushatën e donacioneve "Abonohu për natyrën"

Bullgarët e vetëshpallur në Maqedoninë e Veriut janë shumë më tepër se ata të regjistruar

Chat-i bullgar me inteligjencën artificiale BgGPT mund të shfrytëzohet falas nga të gjithë