Në fshatin Patalenica gjyshet dhe gjyshërit mësohen të lundrojnë në internet

botuar më 12-05-03 10.26.PD

Gjyshet në Patalenica morën diploma për kursin e mbaruar kompjuterik

Foto: Архив

Dhe gjatë këtij viti të moshuar dhe të rinj nga fshati Patalenica, rrethi i Plovdivit, u përfshinë në shfaqje kushtuar ditës Evropiane të solidaritetit midis brezave. Mes iniciatorëve janë shkolla Tetëvjeçare “Konstantin Veliçkov” në fshat dhe fondacioni “Llale”- (Tulipanë). Drejtori i shkollës Nikolla Kolev tregon hollësira në intervistën për Radio Bullgarinë:

Për vit të katërt të radhës në Patalenica, bashkërisht me drejtorinë e shkollës dhe udhëheqjen e baskisë, realizuam festime, kushtuar fushatës Kombëtare për Ditën e solidaritetit midis brezave. Gjithmonë në këtë ditë mundohemi të bëjmë kështu, që të mund ti vëmë njerëzit e moshuar në qendër të vëmendjes dhe ti afrojmë drejt kohës në të cilën jetojmë. Tani organizuam shfaqje të ndryshme. Me një pjesëmarrje të gjerë qe revyja e modës nën moton “E kaluara dhe e sotmja”. Njerëzit e moshuar sollën rrobe dhe aksesor nga rinia e tyre, fëmijët i veshën këto rrobe, u gëzuan dhe parakaluan përpara bashkënxënësve të vet. Interesantja ishte se, disa nga gjyshet po kështu mbanin rrobe nga rinia e tyre. Emocionues qe momenti, në të cilin një grua e moshuar e përqafoi fëmijët, e cila kishte veshur fustanin e saj nga mbrëmja e maturës. Të shumta qenë momentet interesante dhe pikëlluese me shijen e së kaluarës. Moda është kalimtare dhe çdo gjë përsëritet - saktësuan dhe të rinjtë dhe të moshuarit!

Shfaqje sportive po kështu ka pasur. Për shembull fëmijët kanë luajtur “me top”, kurse një gjyshe ka treguar për lojërat me top nga fëmijëria e saj. Mjafton t'u tërheqim vëmendjen të rinjve me këtë se çfarë kanë bërë prindërit e tyre, gjyshet dhe gjyshërit në moshën e tyre, në këtë mënyrë mund të bashkojmë dhe të afrojmë brezat. Ata kanë se çfarë të mësojnë njëri nga tjetri - përgjithëson Nikolla Kolev. Dhe kjo është e vërteta vet. Për herë të dytë në Patalenica organizojnë konkurs për dije kompjuterike. Në të fëmijët i mësojnë gjyshërit dhe gjyshet. Ka shumë njerëz të moshuar, të cilët kanë dëshirë të punojnë me kompjuter, interesohen për shembull nga Facebook.

Hapi tjetër është formimi i një grupi prej njerëzve të moshuar, të cilët të arsimohen nga fëmijët të hyjnë në rrjetet sociale, të komunikojnë. Kjo është një formë shumë e dobishme, si për fëmijët, të cilët i përvetësojnë mjeshtëritë e tyre, ashtu dhe për gjyshërit dhe gjyshet, të cilët do të kenë mundësi të kontaktojnë me të afërmit e vet nëpër botë.

Patalenica është e njohur dhe me shkollën e vet teatrale të Shekspirit për fëmijë, e cila luan shfaqje të dramaturgut gjenial. Regjisor i disa prej tyre është pedagogu britanik teatral Reks Dojëll.

Përgatiti në shqip: Nataniela Vasileva

Fotografi: un2.community.officelive.com

По публикацията работи: Svetllomira Ivanova

Последвайте ни и в Google News Showcase, за да научите най-важното от деня!

Ndaje

Në fshatin Patalenica gjyshet dhe gjyshërit mësohen të lundrojnë në internet

Më shumë nga rubrika

Protesta para Teatrit Popullor “Ivan Vazov” u kthye në trazira para premierës së pjesës “Armët dhe njeriu”

Një ekspeditë polare bullgare eksploroi Kontinentin e Akullit për herë të 33-të

Antarktida është motori i ndryshimeve klimatike

Pse Sofja është kryeqyteti i përshtatshëm për Tubimin Panortodoks