Në Krishtlindjet ëndrrat realizohen

botuar më 11-12-22 10.14.PD

Gëzuar Krishtlindjet dhe mos harroni të ëndërroni, sepse ëndrrat realizohen!

Foto: Tanja Harizanova

“Natë e qetë, natë e shenjtë!” Era luan me dëborën. Maja e vogël po rri te dritarja, duke pritur Plakun e Vitit të Ri. Ëndërron që ta shohë dhe do ta shohë me siguri, sepse është Krishtlindje, kurse në Krishtlindjet ëndrrat realizohen. Njeriu fluturoi deri në Hënë, dërgoi mesazhe në Kozmos, arriti me aparaturën e tij madje në Planetin e kuq, por me më shumë emocion pret “natën e qetë, natën e shenjtë”. Pse me çdo vit besojmë gjithnjë e më shumë në magjinë e Krishtlindjeve? Sepse sa më shumë bëhemi pjesë e botës virtuale, kaq më shumë kemi nevojë për përralla, për ëndrra, për plakun çudibërës. Kurse përralla më magjike është Krishtlindja.

Për çfarë ëndërrojnë bullgarët? Takimi ynë i parë, kuptohet, është me Plakun e Vitit të Ri. “Mirëdita, Plaku i Vitit të Ri, a besoni në Plakun e Vitit të Ri?” – e pyesim njeriun me kapelën e kuqe. “Kuptohet se po! Ja, kjo kuti magjike është plot letra për Plakun e Vitit të Ri. Ai që dëshiron, lëshon letrën brenda. Në mbrëmje vijnë xhuxhet, i marrin letrat dhe i plotësojnë të gjitha dëshirat. Një fëmijë më tha: “I dashur Plak i Vitit të Ri, dua të më dhurosh një tramvaj të vërtetë.” U habita shumë dhe i thashë: “Mirëpo ku do ta parkosh?” Fëmija mu përgjigj: “Atje ku e parkon sajën tënde.”

E pyesim Plakun e Vitit të Ri se çfarë do t’u urojë të gjithëve. “Mendova shumë për këtë – bëhet serioz bashkëbiseduesi me kapelën e kuqe. Dje u urova të gjithë bullgarëve të kenë pak më shumë para. Por kjo nuk është më e rëndësishmja. Tani u uroj ta duan njëri-tjetrin. Atëherë gjërat do të jenë në rregull. Le të jenë njerëzit më të mirë” – është dëshira e plakut të urtë.

Me humor të mirë një damë e re elegante mban qese me dhurata. Ia bëjmë Lilit të njëjtën pyetje. “Mendoj se ëndrrat realizohen. Nëse dëshirojmë diçka shumë fort, ajo do të bëhet realitet. Për Krishtlindjet i uroj vetes shëndet, çizme të bukura dhe pallto të bukur, ndoshta dhe ndonjë pajisje elektronike zbavitëse.” E pyesim damën nëse Plaku i Vitit të Ri duhet t’i sjellë të gjitha këto gjërat. “Më duket se po, por megjithatë ka dhe një njeri tjetër që mund t’i sjellë.” Si duket Plaku i Vitit të Ri sipas Lilit? “Është simpatik, qesh shumë, ka njës tomak të madh. Nuk mund të kuptoj si nuk sëmuret ky njeri! Dhe si çdo vit është në të njëjtën moshë?”

Dy gra të moshuara rrinë në një stol në park nën diellin e ftohtë të dhjetorit. Për çfarë ëndërrojnë në Krishtlindjet? “Para së gjithësh të jemi të gjalla dhe të shëndosha, të ketë qetësi në shtëpi, të gjithë njerëzit ta duan dhe ta respektojnë njëri-tjetrin, thotë 68-vjrçarja Maria Vangelova. – Për bijën – të gjejë punë, është e re, duhet të realizohet në jetë. Dëshiroj që të gjithë të rinjtë të gjejnë rrugën e tyre në jetë.”

Nuk besojnë në Plakun e Vitit të Ri, por besojnë se ëndrrat realizohen – janë unanime një grup adoleshentesh. Njëra ëndërron për iPhone 4, tjetra – për tablet... ëndrra materiale. “Nuk është ashtu, pohon vajza e tretë, ëndërrojmë të hyjmë në shkolla prestigjioze, sepse jemi në klasën e shtatë. Unë i uroj vetes fat dhe lumturi!” Kush është Plaku i Vitit të Ri, i pyesim vajzat, kurse përgjigja vjen me vlerat praktike të gjeneratës kompjuterike: “Nëna dhe babai!”

Këto ditë Plaku i Vitit të Ri është gjithkund. Po takohemi përsëri, por kësaj here ai është me kostum blu. A po vjen direkt nga Laplanda? Vasil Semov qesh dhe thotë urimet e tij: “Dashuri dhe mirëkuptim në familje dhe ndër miqtë. Kurse Plaku i Vitit të Ri do t’u sjellë të gjithëve më shumë gëzim dhe më shumë mendime pozitive. Sepse mendimet pozitive ndihmojnë gjithmonë!”

Gëzuar Krishtlindjet dhe mos harroni të ëndërroni, sepse ëndrrat realizohen!

Përgatiti në shqip: Ekaterina Tarpomanova

По публикацията работи: Tanja Harizanova

Последвайте ни и в Google News Showcase, за да научите най-важното от деня!

Ndaje

Në Krishtlindjet ëndrrat realizohen

Më shumë nga rubrika

Grafitet në Bllagoevgrad kujtojnë historinë tonë 20-vjeçare në NATO

Java e Librit Ortodoks mbahet në qytetin Varna

Protesta para Teatrit Popullor “Ivan Vazov” u kthye në trazira para premierës së pjesës “Armët dhe njeriu”

Java e Librit Ortodoks mbahet në qytetin Varna

Grafitet në Bllagoevgrad kujtojnë historinë tonë 20-vjeçare në NATO