Pushteti lokal në Bullgari – probleme dhe pritje

botuar më 11-10-17 1.26.MD

Foto: BGNES

Disa ditë para zgjedhjeve lokale, të cilat do të zhvillohen njëkohësisht me ato presidenciale më 23 tetot, Agjencia e çështjeve sociologjike “ESTAT” njoftoi rezultatet e studimit të opinionit publik, të bërë në qarqet e Bullgarisë. Studimin e porositi Lëvizja për unitet dhe pajtim kombëtar (DNES). 4 vite në vijim kjo organizatë joqeveritare ndjek zbatimin e premtimeve parazgjedhore të pushtetit lokal dhe ndryshimin e opinionit publik. Disa nga përfundimet shqetësuese të studimit kanë të bëjnë me mospërputhjen e rendit të ditës të politikanëve me atë të qytetarëve.

“Rreth 90 për qind të të anketuarave iu përgjigjën negativisht pyetjes a politikanët lokalë i përfaqësojnë interesat e tyre, sqaron Ivo Zhelev nga agjencia sociologjike “ESTAT”. – Prej vitesh vëzhgojmë një krizë politike. Shumë njerëz pohojnë se politikanët nuk i zbatojnë premtimet e bëra ndaj votuesve. Në bashkitë më të mëdha, ku mediat kanë ndikim më të madh, në një farë mënyre vërehet përputhja e rendit të ditës të politikanëve me atë të qytetarëve. Në bashkitë e vogla mundësia e shoqërisë civile të ndikojë mbi politikanët është më e vogël. Atje mediat përhapin tezat e politikanëve, sepse shoqëria civile nuk është mjaft e inkurajuar të flasë për problemet e saj.”
Sipas studimit ky problem vërehet edhe në qytetet e mëdha. Pak janë ato që munden krizën politike, derisa situata në bashkitë e vogla është shumë shqetësuese, komenton sociologu Ivo Zhellev.

Prej këtu shfaqet dallimi i madh për sa i përket zgjidhjes së çështjeve urgjente në këto dy llojeve të bashkive. Papunësia dhe pensionet e ulëta janë problemet kryesore të shumë njerëzve në vend. Në qytetet e mëdha si Sofja, Plovdivi, Varna dhe Burgasi problemet e rendit të ditës kanë të bëjnë me infrastrukturën, shëndetësinë dhe pastërtinë.

Banorët e qarqeve e vlerësojnë punën e pushtetit lokal me notën 4 sipas sistemit, ku nota më e vogël është 1, kurse më e madhja – 6. Në këtë lidhje vlerësimi i kryebashkiakëve është më i lartë, duke e krahasuar me vlerësimin e këshillave bashkiake dhe administratës. “Në përgjithësi këshillat bashkiake i shikojnë si një arenë e përplasjeve politike dhe e marrëveshjeve jo korrekte”, thotë z. Zhelev.

Rreth 70 për qind të të anketuarve kërkojnë një ndryshim radikal në pushtetin lokal. “Mirëpo, pyetjes a do të votoni për kryebashkiakun e deritanishëm 40 për qind iu përgjigjën “po”, thekson sociologu Zhelev. – D.m.th. ndryshimi i kërkuar nuk ka të bëjë vetëm me zëvendësimin e kryetarit, por edhe me ndryshimin e drejtimit të politikës që kryen ai ose partia përkatëse në pushtet.”

Përgatiti në shqip: Anna Kapitanova

По публикацията работи: Maria Dimitrova

Последвайте ни и в Google News Showcase, за да научите най-важното от деня!

Ndaje

Pushteti lokal në Bullgari – probleme dhe pritje

Më shumë nga rubrika

Votimi jashtë vendit nuk solli ndonjë surprizë të madhe

Situata pas votimit: pritshmëria për një qeveri, pavarësisht fragmentimit edhe më të madh të parlamentit

Cila është partia MEÇ?

Dështimi i gjashtë i deputetëve në përpjekjen e tyre për të zgjedhur një kryetar