Bullgaria dhe Zona Shengen – intervistë me eurodeputeten Maria Nedellçeva

botuar më 11-09-27 12.19.MD

Gjatë seancës së Këshillit të BE-së në fushën e drejtësisë dhe rendit të brendshëm që u zhvillua më 22 shtator të këtij viti në Bruksel Holanda dhe Finlanda nuk miratuan aderimin e Bullgarisë dhe Rumanisë në Zonën Shengen. Ata u shpallën edhe kundër variantit për aderim të dy shteteve në dy etapa. Bullgaria dhe Rumania kanë zbatuar të gjitha kriteret teknike për aderim – diçka që është pohuar nga Komisioni Evropian dhe nga Parlamenti Evropian. Vendimi për aderim në Zonën Shengen duhet marrë unanimisht nga të gjitha 27 shtetet anëtare të BE-së, por në rastin tonë po vazhdojnë negociatat diplomatike. Varianti i mirë për dy shtetet do të jetë aderimi i tyre më 17 tetor, kur do të zhvillohet samiti i Këshillit të lartë politik të udhëheqësve të shteteve anëtare të BE-së.

Çfarë është perspektiva para Bullgarisë në se shtetet nuk arrijnë mirëkuptim më 17 tetor?

“Duhet të vazhdojmë të ndërtojmë mirëbesim, është kategorike eurodeputetja Maria Nedellçeva. Ajo komentoi problemin para mikrofonit të Radio Bullgarisë. – Zbatimi i kritereve teknike nuk është kusht i mjaftueshëm për aderim vetëm për Bullgarinë dhe Rumaninë. Kjo krijon një situatë shumë shqetësuese sepse flet për aplikimin e standardeve të dyfishta për sa u përket Bullgarisë dhe Rumanisë. Nga ana tjetër gjatë muajve të fundit në debat për kriteret teknike ishin shtuar argumente politike, të lidhura me korrupsionin dhe kriminalitetin e organizuar. Mendimi im personal është se Finlanda dhe Holanda nuk vendosën veto të pranimit të Bullgarisë dhe Rumanisë në Hapësirën Shengen, ato vetëm e shtynë vendimin për 17 tetor – kjo do të thotë se argumentet e tyre nuk janë mjaft të forta.”

“Pranvera arabe” dhe dallga e emigrantëve pas saj nga Afrika Veriore drejt BE-së gjithashtu ndikoi negativisht dhe shtyri aderimin tonë në Zonën Shengen.

“Me siguri ngjarjet në Afrikën Veriore gjatë muajve të fundit kishin një ndikim të fortë mbi debatin në fjalë. Nëse shikojmë shifrat reale dallga e emigrantëve nga Afrika Veriore drejt BE-së nuk ishte më e madhe sesa ishte ajo pas ngjarjeve në ish-Jugosllavinë të viteve të 90-të të shekullit të kaluar. Por efekti ishte përdorur për provokimin e frikës prej emigracionit në Evropë. Holanda është një shembull i mirë se si mund të përdoret situata ndërkombëtare për synimet e politikës së brendshme. Kështu problemi për aktualizimin e mekanizmit të monitorimit dhe vlerësimit të kandidatëve për Zonën Shengen bëhet shumë aktual. Aq më shumë se ka edhe propozime nga ana e KE-së për këtë. Është fakt se raportet e ekspertëve në këtë drejtim mbeten pa pasoja reale dhe shtetet e reja anëtare duhet t’u përgjigjen kërkesave më të ashpra sesa shtet si Italia dhe Franca. Kjo është temë e një debati të ri, për të cilën Bullgaria duhet të jetë shumë aktive.”

Si Bullgraia do të marrë pjesë në këtë debat për rregullat e reja për aderim në Zonën Shengen?

“Derisa presim vendim për aderimin e shtetit tonë në Hapësirën Shengen debati mund të përfundojë. Për këtë arsye le të përpiqemi të ndërtojmë mirëbesim dhe të prezantohemi sa më mirë para partnerëve tonë. Besoj se provokimi i konfliktit nuk do të ketë pasoja të mira. Zgjidhjen e problemit duhet ta kërkojmë me anë të kompromisit, konsensusit dhe argumenteve të forta. Deri më 17 tetor do të ofrojmë informatë dhe do të bashkëpunojmë aktivist me përfaqësuesit e Finlandës dhe Holandës duke përpjekur të ndryshojmë pozitën e tyre.”

Përgatiti në shqip: Jordanka Ivanova

По публикацията работи: Tatjana Obretenova

Последвайте ни и в Google News Showcase, за да научите най-важното от деня!

Ndaje

Bullgaria dhe Zona Shengen – intervistë me eurodeputeten Maria Nedellçeva

Më shumë nga rubrika

Elegjia për Krahinat Perëndimore tingëllon si një requiem

Nuk ka qartësi se cila pjesë e trashëgimisë kulturore bullgare në Ukrainë është ruajtur për brezat e rinj

Chat-i bullgar me inteligjencën artificiale BgGPT mund të shfrytëzohet falas nga të gjithë

Pse disa nga rrugët e Pragës mbajnë emrat e iluministëve bullgarë?

WWF Bullgaria i kushton vëmendje mbrojtjes së arinjve