Rinovim i forcuar i infrastrukturës rrugore në Bullgari

botuar më 11-06-14 12.21.MD

Foto: BGNES

Pas ndërtimit të forcuar të autostradave në Bullgari, filloi një program masiv riparimesh të rrugëve të niveleve të parë, të dytë dhe të tretë. Me mjete të programeve të ndryshme deri në fund të 2012-ës do të riparohen gjithsej 3100 km të rrjetit kombëtar rrugor. Nga Ministria e Zhvillimit Rajonal dhe Urbanizimit premtojnë një udhëtim më të këndshëm pas më pak se 2 vjetësh.

Aktualisht Bullgaria është një prej vendeve më rrugë më të këqija në Evropë. Mungesa e shenjave rrugore, asfalti i prishur, puset e hapura vështirësojnë kalimin në shumë vendbanime, duke ngadalësuar zhvillimin ekonomik të rajoneve të tëra dhe duke larguar turistët nga objektet më të njohura kulturore-historike. Gjatë verës trafiku drejt vendpushimeve detare rritet ndjeshëm dhe bashkë me të shtohen edhe incidentet në rrugë. Me përkrahjen financiare të BE-së qeveria bullgare mori në dorë përfundimin e disa autostradave, ndërtimi i të cilave prej vitesh ishte lënë pas për një varg arsyesh.

“Bullgaria nuk është vetëm autostrada!” – tha para gazetarëve ministri i Zhvillimit Rajonal dhe Urbanizimit Rosen Plevneliev dhe shtoi se nga viti 1984 deri më sot rrugët e nivelit të dytë keqësohen në mënyrë dramatike. Ka vende që nuk kanë qenë riparuar që nga 1971-ta, d.m.th. shumë kohë para ndryshimeve demokratike te ne. Sipas të dhënave të Ministrisë rreth 35% prej rrjetit kombëtar rrugor është në gjendje të keqe. Sipas ministrit Plevneliev arsyeja është që gjatë viteve janë dhënë shuma tepër të vogla për riparime. “Për vitin 2011 ne kemi planifikuar mjete 4-5 herë më të mëdha në krahasim me 2007-ën për këtë qëllim.”

“Po të marrim parasysh ndërtimin e ri, gjatë këtij viti Agjencia e infrastrukturës duhet shpenzuar gjithsej 1,1 miliardë leva për rrugët e Bullgarisë. Startojmë një program masiv me 76 projekte, të cilat për momentin zbatohen paralelisht. Ato janë parashikuara për ndërtimin e rrugëve, të cilat janë 6 herë më shumë në krahasim me 9 viteve të fundit.”

Përmirësimi i rrjetit rrugor në vend financohet na buxheti kombëtar, nga Banka Botërore dhe më tepër nga fondet evropiane. Ndërkohe nga Agjencia “Infrastruktura rrugore” u japin shpresë turistëve, që do të bëjnë pushimet e tyre në Detin e Zi, se riparimet nuk do ta pengojnë qarkullimin rrugor gjatë verës.

“Vendet, që janë duke rinovuar, nuk do të vështirësojnë udhëtimin e turistëve për në bregdetin bullgar – tha Lazar Lazarovi nga Agjencia “Infrastruktura rrugore”. – Janë parashikuar itinerare të tjera rrethore, gjatësia e të cilave nuk do të jetë e madhe. Në vendet ku nuk janë planifikuara itinerare të tilla, ndërtimi do të bëhet në rrugë.”

Përgatiti në shqip: Anna Kapitanova

По публикацията работи: Veneta Nikollova

Последвайте ни и в Google News Showcase, за да научите най-важното от деня!

Ndaje

Rinovim i forcuar i infrastrukturës rrugore në Bullgari

Më shumë nga rubrika

Paga minimale do të rritet me 144 leva vitin e ardhshëm

FMN parashikon një inflacion prej 2.8% në Bullgari për vitin 2024

Qeveria e përkohshme do të zbatojë ligjin dhe paga minimale bëhet 1077 leva (545 euro)