Pavel Banja – bashkoni të këndshmen me të dobishmen!

botuar më 11-05-12 10.05.PD

Natyra e bukur dhe qendrat balneologjike me ujëra minerale të qytetit Pavel Banja tërheqin turistë

Foto: Veneta Nikollova

Trëndafila dhe ujëra minerale – kjo është emblema e Pavel Banjës – një prej qendrave më të njohura për shërim nëpërmjet banjave të ujit. Vendpushimi shtrihet në zemrën e Luginës së Trëndafilave, në jug të maleve Ballkan. Prej gjysmë shekulli Pavel Banja pret turistë nga vendi dhe jashtë, të cilët e vizitojnë për t’u shëruar nga sëmundje të ndryshme në sanatoriumet dhe spitalet e specializuara vendase. Gjatë pranverës, kur të mbjellat me trëndafila në rrethinat e qytetit marrin ngjyrën ciklamin, bëhet një festë e vërtetë. Vjelës trëndafilash dhe turistë shkojnë në qytet, për të marrë pjesë në festivalin e muzikës dhe valleve, i cili sjell në humor të mirë. Por edhe gjatë kohës tjetër Pavel Banja vizitohet shumë.

Uji malor rrjedh në çezmat e bukura të qytetit

Që nga koha e romakëve të lashtë, të cilët kanë populluar dikur këtë tokë pjellore, dihej për ndikimin pozitiv të ujit të Pavel Banjës mbi aparatin lëvizës dhe sistemin nervor. Këtë e dëshmojnë mbeturinat e qytetit antik me banja romake dhe pajisjet antike për shërim nëpërmjet banjave të ujit. Sot ujërat shëruese të 7 burimeve termale natyrore i përdorin sanatoriumet, spitalet e specializuara dhe hotelet spa vendase. Pishinat e Pavel Banjës janë të plota me ujë të ngrohtë minerale. Specialistët paralajmërojnë se qëndrimi i gjatë në këto pishina pa u këshilluar me mjekun nuk rekomandohet. Ata, që dëshirojnë të përdorin vetitë shëruese të ujit, duhet të marrin paraprakisht recetat mjekësore dhe të vendosen në ndonjë qendër për shërim. Varianti tjetër është që të vendosen në një hotel, ku specialistët e rehabilitimit do të kujdesen për ta.

Turistët mund të gjejnë qetësi dhe freski në parqet e qytetit

Uji i Pavel Banjës është hipertermal – nga 52 deri në 59°, me mineralizim të lehtë dhe me përmbajtje radoni. Të gjitha këto karakteristika e bëjnë i pazëvendësueshëm në shërimin e sëmundjeve të aparatit lëvizës dhe kyçeve, të shumicës së sëmundjeve të sistemit nervor periferik dhe të reumatizmit etj. Qyteti njihet me turizmin e tij mjekësor, sepse ujërat minerale e Pavel Banjës sigurojnë shërimin sëmundjeve të shumëllojshme.

Peizazhet e mahnitshme tërheqin fotografët dhe piktorët

Një pjesë e mjekëve, që punojnë në vendpushim, janë nxënës të prof. Georgi Geçev. Dekani i terapisë me banjat e ujit në qytet ka bërë metodikën e të ashtuquajturit ekstension nën ujë. Ajo u bë “markë e rezervuar” e Pavel Banjës. Pacientët që kanë hernie diskale vendosen në një vaskë me ujë jo më shumë se 36°, duke i bërë të palëvizshëm me anë të rripit. Pastaj bëhen një varg ekstensionesh nën ujë. Kjo procedurë është e padhembshme dhe shumë efikase. Sipas specialistëve uji mineral i Pavel Banjës ndihmon lirimin e muskulaturës dhe kjo lehtëson procesin e vënies në vend vertebrat. Pacientët mbeten të kënaqur. Prandaj për Pavel Banjën dihet madje dhe tej kufijve të vendit. Vijnë turistë nga Greqia, Amerika, Izraeli, Maqedonia dhe Serbia.

Qyteti është mikpritës i shumë festivaleve folklorike

Gjatë verës, kur temperaturat janë të larta, mund të pushoni në parkun e Pavel Banjës, ku shëtitjet bëhen në freski dhe ajër të pastër. Qyteti është mikpritës i shumë festivaleve, të cilat ju siguron një argëtim të pafund. Në qoftë se ju pëlqen të shëtisni në gjirin e natyrës dhe të jeni të tërhequr nga peizazhet e bukura, mbase nuk do të mbeteni të zhgënjyer. Në afërsi ndodhet liqeni artificial Koprinka, ku mund të hani peshk të freskët. Më tej ndodhet fshati Gabarevo, ku mund të vizitoni kishën e vjetër prej guri dhe një shtëpi muze.

Pavel Banja është qyteti bullgar me më shumë të mbjella trëndafilash. Rajoni është i njohur me traditat e tij në prodhimin e produkteve të trëndafilit.

Përgatiti në shqip: Anna Kapitanova

По публикацията работи: Veneta Nikollova

Последвайте ни и в Google News Showcase, за да научите най-важното от деня!

Ndaje

Pavel Banja – bashkoni të këndshmen me të dobishmen!

Më shumë nga rubrika

Në Bazilikën Episkopale në Plovdiv, u zbulua koka e statujës së perëndeshës së Filipopollit Tjuhe

BNR, BNT dhe BTA u vlerësuan për partneritetin më të mirë mediatik në mbështetje të turizmit në Bullgari

Euronews: Bullgaria është një destinacion ideal për turizmin gjatë gjithë vitit me plazhet e saj të arta dhe majat e mbuluara me borë

Në Bazilikën Episkopale në Plovdiv, u zbulua koka e statujës së perëndeshës së Filipopollit Tjuhe