Skulpturat unike të Gjeorgji Andreevit në Katedralen “Shën Aleksandër Nevski”

botuar më 11-05-03 11.18.PD

Foto: Архив

Një nga simbolet e Festave të Pashkëve në botën e krishterë ortodokse janë vezët e kuqe si dhe vezët e ngjyrosura me ngjyra të tjera. Në ditët rreth Pashkëve vizituesit e Katedrales së kryeqytetit “Shën Aleksandër Nevski” mundën të kënaqen nga një krijimtari të pazakonshme të artit të bizhuterisë. Një vezë e madhe e bukur e punuar xixëllonte në kishë dhe shkaktonte frymëzimin e shumicës së njerëzve. Skulptori i qytetit Plovdiv Gjeorgji Andreev është autor i krijimit të artizanatit “Veza e Pashkëve”. Ajo është me lartësi 2 metra dhe peshon rreth 100 kilogramë. Është e punuar prej fletëve prej çeliku me një mbulim prej ari dhe është zbukuruar me rreth 4 mijë kristale. Ato janë në 12 ngjyra dhe simbolizojnë të 12 apostujt. Kanë kaluar 2 vjet nga ideja fillestare të skulptorit deri në realizimin e saj.

“E ndamë vezën në 11 pjesë me ndihmën e rrathëve horizontale, plot me gërsheta të ndryshme për nga ndërlikimi – sqaron Gjeorgji Andreevi. Çdo një nga këta rrathë përbën një nga apostujt, të cilët kanë shkuar pas Krishtit. Fija, e cila simbolizon Shën Pjetrin është në ngjyrën e kuqe. E zgjodhën këtë ngjyrë sepse ajo është më e rëndësishme dhe simbolizon gjakun e Krishtit. Kurse kryqi, i cili është në majën e krijimit, është simbol i besimit dhe të Jezusit.”

Kohët e fundit veza e madhe mund të niset për të marrë pjesë në bienalen e Venecias, në qoftë se miratohet nga një komision i posaçëm. Në një afërsi të drejtpërdrejtë me të në kishë u tregua edhe një krijim tjetër i artizanatit i Gjeorgji Andreevit dhe të ekipit të tij – një top i madh me ngjyra të shumta, i përmbushur krejtësisht me lule të përpunuara në mënyrë fine prej metali:

“Këtë top e përgatitëm për Të Dielën e Dafinës, thotë bizhuteri. Është punuar nga i njëjti çelik si dhe veza. Kemi paraqitur 18 lule të ndryshme. Ato po kështu janë të renditura në rrethe nga themeli i topit e përpjetë, si dhe nëpër diagonalet. Mundohemi të rikrijojmë pranverën dhe larminë e ngjyrave gjatë kësaj stine.”

Bimët e punuara dorazi ndriçojnë në dritë dhe formojnë një kurorë në formë rrethi me filigran. Margaritë, tulipan, dalia... këto janë vetëm një pjesë nga lulet, të përpunuara nga një metal jo kaq i shtrenjtë, por të përpunuar shumë bukur. Për 11 majit – Dita e Vëllezërve të Shenjtë Kirill dhe Metodij, krijues të shkrimit sllav, Gjeorgji Andreevi planifikon të tregojë përsëri vezën e tij por me germa të shkruara sllave. Vendi është i njëjtë – Katedralja “Shën Aleksandër Nevski”.

Përgatiti në shqip: Nataniela Vasileva
Fotografia është propozuar nga organizatorët

По публикацията работи: Lina Ivanova

Последвайте ни и в Google News Showcase, за да научите най-важното от деня!

Ndaje

Skulpturat unike të Gjeorgji Andreevit në Katedralen “Shën Aleksandër Nevski”

Më shumë nga rubrika

Vizatimet e fëmijëve të frymëzuara nga natyra dhe "Pema e dëshirave" do të befasojnë banorët e Plovdivit në ditët në vijim

Milena Selimi fitoi çmimin për përkthimin më të mirë në Panairin e 27-të të Librit në Tiranë për romanin bullgar "Kohëstrehim"

Lilija Zaharinova tregon histori përrallore në mjedisin urban

Vizatimet e fëmijëve të frymëzuara nga natyra dhe "Pema e dëshirave" do të befasojnë banorët e Plovdivit në ditët në vijim