Burgasi – qyteti më i mirë për banim në Bullgari për vitin 2010

botuar më 10-11-16 1.09.MD

Përfaqësuesit e bashkive të dalluara me çmimin “Qytet më i mirë”

Foto: BGNES

Qyteti pranë Detit të Zi Burgas është qyteti më i mirë për banim në Bullgari për vitin 2010, ndërsa mbajtësi i mëparshëm i kësaj vlere – Sofja, mori çmimin për qytetin më i mirë për biznes. Konkursi zhvillohet për vit të katërt të radhës dhe është një nismë e përbashkët të Radios Darik, gazetës “24 orë” dhe të sajtit informativ DarikNews.bg. Në garë morën pjesë 27 qytete të vlerësuara sipas 25 kategorive. Ndër to janë investimet në projektet infrastrukturore, gjendja ekologjike e qytetit, mundësitë për sport, numri i vendeve të parkingut, mundësitë për argëtime kulturore. Sivjet çmimet speciale i morën Smoljani për “Qytet të gjelbër” dhe Veliko Tërnovo për “Qytet të bukur”. Mbi 180 000 veta u përfshinë në votimin në internet, duke përcaktuar Varnën dhe Blagoevgradin si vende për banimin më të mirë. Sipas ministrit të zhvillimit rajonal dhe urbanizimit Rosen Plevneliev çdo vit të ardhshëm përcaktimi i fituesve do të jetë më i vështirë, sepse Bullgaria ka shumë qytete që e konkurrojnë njëri tjetrin. “Shansi i artë” për zhvillimin e tyre është Programi operativ “Zhvillimi rajonal”.

“Në drejtimin e Fondit evropian për zhvillimin rajonal (ERDF) tashmë Bullgaria nuk është në vendin e fundit – shton ministri Plevneliev. – Gjatë vitit të fundit Bullgaria doli përpara nëntë vendeve të tjera dhe për momentin gjendet në vendin e 19-të nga të gjitha 27 vendet. Bullgaria është më përpara në absorbimin e fondeve për zhvillimin rajonal nga Holanda, Danimarka, Portugalia dhe Italia. Kjo do të thotë se jemi në rrugën e drejtë. D.m.th. bashkiakët bëjnë projekte me kualitet të lartë, të bazuara në rregulla, po ashtu dhe në një vizion stabil afatgjatë. Burgasi është qyteti, i cili do të absorbojë mjete për zhvillimin e transportit urban, do të ndërtojë zona industriale dhe do të krijojë kushte për investime të reja. Përveç kësaj autostrada do të arrijë deri atje. Pritet se Sofja do të marrë edhe 100 mln. leva (50 mln. euro) nga Programi operativ “Zhvillimi rajonal”, për të bërë një rrjet të ri kompjuterik, që bazohet në metro, një organizim të ri të transportit – mbi 400 stacione të reja dhe gjithçka, që rrit shpjet cilësinë e jetesës në këto qendra të rritjes.”

Burgasi mori numrin maksimal të pikave në këto fusha: investimet në projektet infrastrukturore, orari i dyqaneve, kopshtet për fëmijë, kultura, papunësia, investimet e huaja etj.

“Sa jo modeste të duket, Burgasi meriton të jetë qyteti më i mirë për banim – tha Dimitër Nikolov, kryebashkiak i qytetit bregdetar. – Patroni i Burgasit është Shën Nikolla Çudibërësi. Gjatë viteve të fundit Burgasi ka ambicien të arrijë kriteret për jetesë të mirë në qytetet e mëdha. Për nga disa tregues tashmë i tejkalojmë qytetet e tjera bullgare. Përveç programeve të shumta operative, të cilat fituam gjatë dy vjetëve të fundit, ne investuam dhe mjete të bashkisë për ndërtimin e sallave sportive, kopshteve të fëmijëve, pishinave. Kjo tregon se ekonomia e qytetit zhvillohet dhe megjithë krizën ne gjenerojmë të ardhura serioze. Gëzohem se kështu do të bëjmë edhe një hap përpara, kështu që Bullgaria të bëhet një vend më i bukur dhe më i mirë për banim.”

Me çfarë Sofja meritoi vlerësimin “qyteti më i mirë për biznes”?

“38% të PBB-së prodhohet në Sofje – tha kryetarja e Bashkisë së Sofjes Jordanka Fandëkova. – 68% të investimeve të huaja janë në Sofje. Kjo do të thotë se Sofja krijon një mjedis të mirë për biznes. Vetë bashkia është një investitor i madh. Projektet më të mëdha që zbatohen me financim evropian janë në Sofje – ndërtimi i metrosë, i kanalizimit me mjete të programit ISPA. Megjithë krizën, bëhen investime të mëdha. Kompania Hewlett Packard vendosi të hapë një qendër të re me afro 2000 vende të reja pune. Kështu do të ketë punë për njerëz të arsimuar, të cilët nuk do të emigrojnë në Perëndim. Në Sofje janë kuadrot më të përgatitura, këtu janë gjysma e universiteteve në Bullgari, këtu është akademia e shkencave, këtu janë të rinjtë me arsim të mirë.”

Përgatiti në shqip: Ekaterina Tarpomanova

По публикацията работи: Rumjana Cvetkova

Последвайте ни и в Google News Showcase, за да научите най-важното от деня!

Ndaje

Burgasi – qyteti më i mirë për banim në Bullgari për vitin 2010

Më shumë nga rubrika

BNT feston me një program të veçantë 65 vjetorin e themelimit

Në Ditën e të Vdekurve para festës së Shën Kryeengjëllit Mihaill, përkujtojmë të ndjerët dhe japim lëmoshë

Radio Bullgaria hyri në klasa

Pse disa nga rrugët e Pragës mbajnë emrat e iluministëve bullgarë?

WWF Bullgaria i kushton vëmendje mbrojtjes së arinjve