Bullgaria në krye të organizatës më të madhe profesionale të turizmit evropian

botuar më 10-06-01 11.21.PD

Irena Georgieva – kryetarja e Asociacionit të Operatorëve dhe Agjencive Turistike Bullgare

Foto: BGNES

Për dy vjet Bullgaria merr udhëheqjen e organizatës më të madhe profesionale të turizmit evropian – Komiteti Evropian i Asociacioneve të Operatorëve dhe Agjencive Turistike. Ky komitet u krijua në vitin 1961 dhe sot në të bashkohen asociacionet kombëtare turistike të të gjitha shteteve evropiane – anëtarë dhe kandidatë anëtarë të BE-së. vendi prezantohet në këtë organizatë prestigjioze nga Asociacioni i Operatorëve dhe Agjencive Turistike Bullgare. Kryetarja e tij Irena Georgieva do të qëndrojë në postin presidencial të organizatës evropiane për periudhën e viteve 2010-2012. Ajo do të mbajë përgjegjësinë për mbrojtjen e interesave të më se 80 mijë kompanive nga 30 shtete, anëtare të asociacionit. Ndër prioritetet kryesore të kryesisë bullgare do të jenë garantimi i të drejtave të konsumatorëve të udhëtimeve turistike dhe të udhëtarëve, që shfrytëzojnë vijat ajrore me buxhete të ulëta. Mendohet një variant, te i cili vonesa e madhe e fluturimit do të trajtohet si fluturim i anuluar dhe atëherë udhëtarët do të kenë të drejtën e kompensimeve më të larta financiare. Në qendrën e vëmendjes do të jetë krijimi i suazave të reja të politikës evropiane në fushën e turizmit. Në thelbin do të jetë ideja, që evropiani të stimulohet të udhëtojë dhe të pushojë në vendet evropiane. Për arritjen e këtij qëllimi parashikohet zgjatja e stinës turistike. Turistët do të ndahen në katër grupe konsumatorësh – të rinj, njerëz nga mosha e tretë, turistë me nevoja speciale dhe familje me të ardhura të ulëta. Parashikohet që në sektorin turistik të aplikohen teknologji të reja. Si kryesia bullgare e kësaj organizate prestigjioze do të ndikojë mbi turizmin bullgar, shpjegon Irena Georgieva.

“Pozita e Bullgarisë si kryetare e Komitetit Evropian të Asociacioneve të Operatorëve dhe Agjencive Turistike do të garantojë mundësi për pjesëmarrje të drejtpërdrejtë në politikën turistike evropiane. Do të disponojmë një informacion të hollësishëm dhe do të kemi mundësi të sinkronizojmë legjislacionin turistik bullgar me të evropian. Revizioni i direktivës së pakove të udhëtimit koincidon me hartimin e ligjit të ri për turizmin në Bullgari. Agjencitë dhe operatorët turistikë bullgarë do të kenë mundësi për kontakte më aktive me kolegët e tyre evropianë. Krahas kësaj do të kemi mundësi për nisma në përkrahje të turizmit bullgar. Kështu shpresojmë të kontribuojmë për afirmimin e Bullgarisë si një destinacion turistik. Të gjitha ato qëllime mund të arrihen nëpërmjet bashkimit të përpjekjeve të të gjitha subjekteve, që veprojnë në tregun turistik bullgar.”

Parashikimet evropiane për sezonin e ri turistik janë kryesisht negative. Pritet një tërheqje e turistëve me 15 për qind. Në Bullgari administrata shtetërore dhe përfaqësuesit e biznesit turistik japin parashikime të ndryshme. Sipas zëvendës ministrit të ekonomisë, energjetikës dhe turizmit Ivo Marinov në vend do të ketë një rritje me 5 për qind të rrymës turistike. Nga ana e vet përfaqësuesit e biznesit turistik presin një rrënje nga 5 deri në 10 për qind.

Përgatiti në shqip: Svetllana Dimitrova

По публикацията работи: Rumjana Cvetkova

Последвайте ни и в Google News Showcase, за да научите най-важното от деня!

Ndaje

Bullgaria në krye të organizatës më të madhe profesionale të turizmit evropian

Më shumë nga rubrika

Bullgaria mbetet vendi me pagën minimale më të ulët në BE

Eurozona dhe Bullgaria – nga skepticizmi deri në padurim

Mikro-instalimet inteligjente ndihmojnë familjet të kursejnë në faturat e energjisë elektrike në Bullgari