Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

“Ritmi i Ballkanit” – një takim unik i traditave në një projekt të Orkestrës së Muzikës Popullore të Radios Kombëtare Bullgare (BNR)

Foto: OMP-BNR

Tamburica serbe, cimbal rumun, lira e Kretës dhe gajda bullgare do të tingëllojnë në edicionin e dhjetë të projektit më të suksesshëm të Orkestrës së Muzikës Popullore të BNR-së – “Ritmi i Ballkanit”. Takimi i radhës me publikun dhe muzikantët nën drejtimin e dirigjentit Dimitër Hristov do të mbahet më 10 prill (e enjte, në orën 19:00) në Studion e Parë të Radios Kombëtare Bullgare.

Gjatë viteve, “Ritmi i Ballkanit” është shndërruar në një takim unik të traditave, ritmeve dhe emocioneve të muzikës ballkanike. Edicioni i ri i projektit do të prezantojë katër muzikantë të jashtëzakonshëm: virtuozin e tamburicës serbe Branko Bako Jovanoviç, mjeshtrin e cimbalit rumun Anatol Kazanoj, zërin e butë të lirës së Kretës Keli Toma dhe tingullin emocionues të gajdes bullgare në duart e Petjo Kostadinovit. Këta janë artistë që, me mjeshtërinë e tyre të lartë në instrumentet që luajnë dhe me karrierat e tyre të shquara ndërkombëtare, janë bërë ambasadorë të muzikës tradicionale të Ballkanit në të gjithë botën.
Petjo Kostadinov, Branko Bako Jovanoviç, Anatol Kazanoj dhe Keli Toma
“Ritmi i Ballkanit” nuk është thjesht një seri koncertesh, por një projekt i tërë, i cili me kalimin e viteve është shndërruar në një ngjarje të rëndësishme në jetën muzikore të Bullgarisë. Ky format ndërkombëtar i Orkestrës së Muzikës Popullore dëshmon çdo vit se Ballkani mund të tingëllojë në harmoni, dhe se muzika bashkon kultura dhe ndërton ura mes popujve.


Mund të bindeni vetë për këtë – biletat për koncertin mund të blihen në Qendrën e Informimit dhe Reklamës të BNR-së dhe në rrjetin e Eventim.


Përpiloi: Elena Karkallanova
Foto: OMP - BNR, Ani Petrova, Facebook / Orkestra e Muzikës Popullore të BNR-së (fotograf: Stephan Talneau)
Përgatiti në shqip dhe publikoi: Kostandina Bello


Последвайте ни и в Google News Showcase, за да научите най-важното от деня!

Më shumë nga rubrika

"E vetmuar" - kënga debutuese e interpretueses Maria Mateev dhe grupi KOYANGI

Maria Mateev prezanton grupin e saj KOYANGI dhe këngën e tyre të parë "E vetmuar". Kënga flet për betejat me veten dhe frikën që secili prej nesh përjeton në një fazë të caktuar të jetës. Pas më shumë se një dekade në Korenë e Jugut, Maria..

botuar më 25-04-24 2.45.MD

Dirigjenti i ri evropian Bojan Videnov e konsideron Operën e Sofjes si familjen e tij

Në fund nuk mund të lë pa përmendur projektin e tij të famshëm për dixhitalizimin e materialeve muzikore -  Enote . Që disa vite më parë shpërtheu lajmi se po krijohej diçka kaq inovative dhe se një bullgar ishte në themel të saj...

botuar më 25-04-24 7.00.PD

130 vjet nga lindja e këngëtares Gjurga Pinxhurova

Më 18 prill, saktësisht 130 vjet më parë në qytetin Trën lindi këngëtarja bullgare e operës dhe e muzikës popullore Gjurga Pinxhurova. 120 vjet nga lindja e Gjurga Pinxhurovës Duke kënduar këngët e nënës së saj që nga fëmijëria,..

botuar më 25-04-18 7.10.PD