Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Dita e Shën Theodhorit – festa e cila i paraprin verës

Foto: BGNES

Dita e Shën Theodhorit është një festë e rëndësishme bullgare, e cila shënohet të shtunën pas të Dielës së të Lidhurve të Djathit. Kjo është një festë e lëvizshme dhe këtë vit bie më 8 Mars. Sipas besimeve popullore, Shën Theodhori luan një rol të rëndësishëm në zgjimin e natyrës për jetën e re. Sipas legjendës, në këtë ditë shenjtori hedh një kunj të ndezur në tokë për ta ngrohur atë. Pastaj ai hip kalin e tij të bardhë dhe shkon për t'i kërkuar Zotit për ta lutur atë që të fillojë vera e re dhe t'i mbrojë të korrat dhe pjellorinë.

Sipas zakoneve popullore, ditën e Shën Theodhorit nderohen kuajt, prandaj festa njihet edhe si Pashka e Kuajve. Të gjithë kuajt zbukurohen me xhufka të bukura dhe me shumë lule. Kështu të stolisur pronarët i çojnë në garat festive të kuajve të organizuara posaçërisht – të quajtura bullgarisht “kushii”.

Dita e Shën Thodhori njihet edhe si dita e nuseve të reja, ose e Shtuna e Nuses, në të cilën gratë e martuara vitin e kaluar gatuajnë bukën në shtëpi. Tryeza festive Ditën e Shën Thodhorit është e pasur. Vendin qendror e zënë bukët rituale me tharm, të cilat u shpërndahen edhe kuajve. Duke qenë se Kreshma e Pashkëve tashmë ka filluar, në tryezën këtë ditë vihet një shumëllojshmëri e ushqimeve pa yndyrë, si thjerrëza, supë me kërpudha, bishtaja, speca të kuq të mbushur me fasule, lakër turshi me oriz etj.

Sot të gjithë ata që mbajnë emrin e shenjtorit – Todor, Todora, Theodhor, Theodhora etj. – festojnë ditën e emrit.

Gëzuar festën!


Përpiloi: Gergana Mançeva

Përgatiti në shqip dhe publikoi: Svetllana Dimitrova

Foto: BGNES




Последвайте ни и в Google News Showcase, за да научите най-важното от деня!

Më shumë nga rubrika

Elisaveta Bagrjana

Elisaveta Bagrjana - 132 vjet nga lindja

Mbushen 132 vjet nga lindja e poeteshës së madhe bullgare Elisaveta Bagrjana. E lindur si Elisaveta Ljubomirova Bellçeva më 29 prill (16 prill sipas stilit të vjetër) 1893 në Sofje, Elisaveta Bagrjana është autore librash për fëmijë. Krahas kësaj ajo..

botuar më 25-04-29 6.10.PD

Më 27 prill, Kisha Ortodokse Bullgare kremton të Dielën e Shën Thomait, e quajtur edhe Antipashka

Në ditën e tetë pas Pashkëve, në fund të Javës së Ndritshme , pason një festë e veçantë e quajtur Antipashka , që do të thotë "në vend të Pashkëve" ose "e kundërta e Pashkëve". Megjithatë, ky nuk është një kontrast, por një thirrje për një..

botuar më 25-04-27 8.55.PD
Valeri Petrov (1920-2014)

105-vjet nga lindja e kalorësit të fjalës bullgare – Valeri Petrov

Mbushen 105 vjet nga lindja e Akad. Valeri Petrov – poet, shkrimtar, skenarist, dramaturg dhe përkthyes. I lindur më 22 prill 1920 në Sofje me emrin Valeri Nisim Mevorah, ai u diplomua në mjekësi në Universitetin e Sofjes. Për një farë kohe ai..

botuar më 25-04-22 6.10.PD