Rritja e lidhjes energjetike midis vendeve në rajon do të ulë çmimet e energjisë elektrike, do të rrisë konkurrencën dhe sigurinë e furnizimit. Kështu deklaroi ministri i energjisë Zheço Stankov në Samitin e Energjisë (Energy Summit), të organizuar nga gazeta “Kapital” në Sofje.

"Qëllimi ynë është të bëhemi fuqia balancuese më e madhe në Evropën Juglindore. Aktualisht ekziston një procedurë për ndërtimin e objekteve të ruajtjes së energjisë elektrike me subvencione sipas Planit të Rimëkëmbjes dhe Qëndrueshmërisë. Kapaciteti është për afro 10 000 megavat orë. Nuk ka një bateri kaq të madhe në të gjithë Evropën. Ne planifikojmë ta zhvillojmë këtë më tej me një projekt mbi të cilin po punojmë me Bankën Evropiane të Investimeve për të ndërtuar dy ose tre hidrocentrale me pompë që do të ndihmojnë në balancimin jo vetëm të rrjetit bullgar, por edhe të atij të vendeve fqinje”, tha Stankov.