Inflacioni për vitin 2024 është 2.2% krahasuar me një vit më parë, sipas Institutit Kombëtar të Statistikave. Për muajin dhjetor, ky tregues është 0.4%.Inflacioni mesatar vjetor për periudhën janar 2024 - dhjetor 2024 krahasuar me periudhën janar 2023 - dhjetor 2023 është 2.4%.Për dhjetor 2024 rritja më e madhe e çmimeve është shënuar në grupet: "Argëtim dhe kulturë" - 5.9%, "Transport" - 1.3%, "Restorante dhe hotele" - 0.7% dhe "Mallra dhe shërbime të ndryshme" - 0.6%. Rënia më e madhe u regjistrua në grupet: "Veshje dhe këpucë" - 1.3% dhe "Produkte ushqimore dhe pije joalkoolike" - 0.6%. Por sipas indeksit të çmimeve për shportën e vogël në dhjetor 2024u regjistrua një rritje prej 0.1% në bazë mujore dhe një rritje prej 2.3% që nga fillimi i vitit.