Severino Kozhuharov, bashkëpronar i gazetës “BG BEN”, e cila botohet në Britaninë e Madhe, dha një çmim nderi për vitin 2024,“Partneri më i mirë dhe kontributi aktiv në zhvillimin e gazetës “BG BEN” të kryetares së Agjencisë për Bullgarët Jashtë Shtetit Rajna Manxhukova. Kjo ka ndodhur gjatë prezantimit në Sofje të edicionit special kushtuar 20 vjetorit të gazetës, transmeton BTA.

Në ceremoni Manxhukova deklaroi se heronjtë janë bullgarët jashtë vendit: "Ata në Londër, ata në Argjentinë që nuk dinë bullgarisht, por gjejnë dy fjalë për të thënë "mirë se erdhët". Ata në Hungari që nuk kanë më nevojë për ne sepse shteti hungarez kujdeset për gjithçka që u nevojitet, por ata vazhdojnë të jenë bullgarë dhe i lënë fotot e të afërmve të vdekur në kishë për të qenë bashkë. Ata të gjithë janë heronjtë. Dhe të gjithë ne këtu, duke përfshirë edhe ju, u jemi borxhli atyre”.