Gjykata e Apelit e Sofjes konfirmoi vendimin e gjykatës më të ulët për lëshimin e një urdhër-arresti evropian në territorin e BE-së për Stojan Mavrodiev. Kërkesa kundër ish-drejtorit ekzekutiv të Bankës Bullgare për Zhvillim (BBR) në pronësi të shtetit është për shkak të shpërdorimit të shumave veçanërisht të mëdha. Ndërsa në seancën e kaluar në Gjykatën e qytetit të Sofjes, Mavrodiev u përfaqësua nga një mbrojtës zyrtar, tani përkundër faktit se ai është në kërkim, ai dërgoi një avokat të autorizuar. Më 22 gusht, Mavrodiev u shpallu person në kërkim kombëtar me një dekret të Komisionit për Luftimin e Korrupsionit, njoftoi Prokuroria e qytetit të Sofjes. Kërkesa është për shkak të hetimit të një kredie të pasiguruar të dhënë në vitin 2019 për afro 75 milionë euro nga BBR-ja për kompaninë “Rodway Construction”, të lidhur me biznesmenin Rumen Gajtanski.