"Shoqata jonë "Bashkësia Ortodokse Bullgare", kryetar e së cilës jam unë, në fakt i bashkon bullgarët që janë këtu prej shumë vitesh. Ata kishin një ëndërr lidhur me lagjen, në të cilën disa rrugë morën emrin e rilindësve bullgarë dhe qyteteve bullgare të lidhura në një farë mënyre me inteligjencën çeke që erdhi pas Çlirimit tonë për të ndihmuar në ndërtimin e shtetit të ri bullgar. Ne menduam të vendosim tabela informuese në këto rrugë për të sqaruar jo vetëm për brezin e ri, por për njerëzit në përgjithësi, nga erdhën këta emra dhe pse u emëruan sipas bullgarëve” - shpjegon idenë enkas për Radio Bullgarinë, inxh. Sillvija Krësteva.

Sigurisht, këtu vjen roli i madh i të ashtuquajturve Kopshtarë bullgarë në historinë moderne çeke, që dhanë fillimin e një komuniteti të tërë çekësh bullgarë, pjesë e të cilit është edhe Sillvija Krësteva. Por jo vetëm. Rezulton se në vitet 70 të shekullit të 20-të, një ekip ndërtimi bullgar mori pjesë në ndërtimin e rrethit Modřany dhe për nder të tyre u mor një vendim, me statut të Këshillit Popullor në Pragë në atë kohë, për të emëruar rrugët pas rilindësve bullgarë dhe qyteteve në Bullgari që kishin komunitetin më të fortë çek në atë kohë - Shumen, Pleven, Sofje dhe Plovdiv.

Në Pragë sot ka gjithsej 20 vende që mbajnë Bullgarinë në emrat e tyre.

“Inaugurimi është fillimisht me katër tabela, që janë dallëndyshet tona të bardha. Ato janë për sheshet: Sofija, Hristo Botev, Vasill Levski dhe Ivan Vazov. Këto tabela i inauguruam zyrtarisht me ambasadorin e Bullgarisë në Çeki, Shkëlqesinë e tij z. Danço Miçev. Në fakt, kjo është një pjesë e projektit që ka të bëjë me fëmijët që kanë origjinë bullgare dhe jetojnë këtu, madje disa kanë lindur këtu dhe shkojnë në shkollat vendase. Këta fëmijë me rrënjë bullgare kanë bërë dosje interaktive, që ne i quajmë Lapbook, me informacione për secilën nga iluministët ose qytetet që i kanë dhënë emrin edhe rrugëve të Pragës. Tabelat jane shume te bukura te punuara me shume dashuri. Jam krenare që mund të prezantojmë nëntë tabela në ekspozitën “Iluministët e popullit”.

Ndërsa bullgarët e vegjël që morën pjesë në krijimin e këtyre tabelave morën edhe çmime speciale në hapjen e ekspozitës, të ofruara nga Agjencia Ekzekutive për Bullgarët Jashtë vendit.

Gjurma bullgare në Republikën Çeke është ende shumë e dukshme edhe sot:

Si kryetarja e Bashkësisë Ortodokse Bullgare në Çeki, Sillvija Krësteva thotë se çdo vit për festat e Krishtlindjeve dhe Vitit të Ri bashkatdhetarët tanë mblidhen dhe festojnë së bashku. Fatkeqësisht, nga viti 2022 ata nuk kanë një shtëpi bullgare, gjë që çoi në një traditë të re - të vizitojnë shoqatat bullgare në vende të tjera nëpër Evropë.

Sipas traditës, këtë vit shoqata do të marrë pjesë në programin e pazarit të Krishtlindjes dhe Vitit të Ri në rajonin Pragë 12 të kryeqytetit çek. Më 7 dhjetor, bashkatdhetarët tanë organizojnë një punëtori për fëmijët, në të cilën do të tregojnë sekretet e përgatitjes së survaçkës (shkop thane, i zbukuruar me fije shumëngjyrëshe të përdredhura, kokoshka, fruta të thata dhe monedh). Dhe në vitin 2025, Sillvija Krësteva shpreson se tabelat informuese për "rrugët bullgare" në Pragë do të shtohen.

Lexoni më tepër për bullgarët në Pragë: 

Foto: Sillvija Krësteva

Përgatiti në shqip dhe publikoi: Kostandina Bello