Në takimin në Podgoricë të ministrit të turizmit të Bullgarisë, Evtim Milloshev, dhe kryeministrit të Malit të Zi, Milojko Spaiç, u diskutua për të ardhmen e bashkëpunimit rajonal në turizëm dhe nevojën për përmirësimin e lidhjeve ajrore ndërmjet vendeve të Ballkanit.

Milloshev theksoi nevojën për krijimin e një produkti të përbashkët turistik që do të bashkojë Bullgarinë, Malin e Zi dhe vendet e tjera të Ballkanit me të cilat tashmë janë zhvilluar bisedime. “Turistët nga vende si Japonia dhe SHBA e shohin Ballkanin si një destinacion. Me një vizitë brenda një jave, ata duan të njohin kulturën, historinë dhe kuzhinën tonë. Lidhja ajrore mes kryeqyteteve të Ballkanit është vendimtare për të arritur këtë”, ka thënë Milloshev. Lidhur me këtë, u theksua se tre operatorë janë të interesuar për realizimin e fluturimeve të rregullta dhe çarter, projekti ka potencial të nisë në pranverën e vitit 2025. Ideja e ministrit Milloshev për destinacionin “Ballkani” do të shqyrtohet në takime të planifikuara të nivelit të lartë në Shqipëri.