Pikërisht një vit më parë, Kisha Ortodokse Bullgare vendosi një festë të re në kalendarin tonë kishtar - kremtimin e lipsaneve të shenjta të Shën Patriarkut Evtimij Tërnovski. Sipas burimeve kishtare, patriku i fundit bullgar para rënies së kryeqytetit të vjetër të Tërnovgradit nën bastisjet e pushtuesve osmanë në vitin 1393, vdiq rreth vitit 1404. Pesë shekuj më vonë, nga fundi i vitit 1905, gjatë gërmimeve në hyrjen e katedrales së Manastirit Baçkovski, të kryera me iniciativën e igumenit të manastirit Paisij (Pastirev), u zbuluan dy varre. Në njërën u gjetën mbetjet e mantelit të peshkopit, një qefin i madh dhe dy epitrakile (një brez i gjerë dhe i gjatë që mbështillet rreth qafës gjatë shërbimit) dhe në tjetrin, lipsane me një fletë plumbi të mbështjellë me mbishkrimin:
LIPSANE TË SHENJTA TË KRYPESHKOPIT TË QYTETIT TË MADHËRISHËM TËRNOVA DHE PATRIK BULLGAR
Pas zbulimit, Sinodi i Shenjtë caktoi një komision për të hetuar faktet dhe për të dokumentuar gjetjen. Përshkruhen edhe mrekullitë, në konfirmim të së vërtetës së saj, përkatësisht aroma që lëshohej nga lipsanet e shenjta. Përkundër dëshmive, ish-igumeni i manastirit Teodosij, Mitropoliti i Shkupit, vuri në dyshim besueshmërinë e tyre, duke përshkruar historinë e Manastirit Baçkovski dhe rrëzimin e tij nga turqit gjatë pushtimit të malit Rodopa. Kjo u pasua nga një përgënjeshtrim nga Prof. Vasill Zllatarski, i cili mori pjesë në komisionin e verifikimit të fakteve të caktuar nga Sinodi, dhe në vitin 1911 Bogdan Fillov, drejtor i Muzeut Kombëtar në Sofje dhe Jordan Ivanov iniciuan një komision të ri pranë Sinodit. Ky i fundit gjeti mospërputhje historike dhe hodhi dyshime serioze mbi vërtetësinë e rrotullës së plumbit të gjetur në varrin me lipsanet.
Për t'u dhënë fund mosmarrëveshjeve dhe mbi të gjitha për t’i bërë homazhe patrikut të fundit të Patrikanës së Tërnovgradit, 120 vjet më vonë, Sinodi i Shenjtë i Kishës Ortodokse Bullgare vendosi festën e Patriarkut Evtimij Tërnovski më 22 tetor si shenjtor mbrojtës i mbarë popullit bullgar.
Lexoni më shumë nga koleksioni i Radio Bullgarisë:
Përgatiti në shqip dhe publikoi: Svetllana Dimitrova
Foto: dveri.bg, BGNES
Më 24 nëntor, Kisha Ortodokse nderon Shën Katerinën, e cila ishte një nga gratë më të arsimuara të kohës së saj. Ajo jetoi në fund të shekullit III dhe fillim të shekullit të IV dhe rridhte nga një familje fisnike në Aleksandri të Egjiptit. Në..
Katedralja Patriarkale “Shën Aleksandër Nevski” kremton sot festën e saj. Tempulli i shenjtë, simboli i kryeqytetit bullgar, është një tempull monument, i ndërtuar "si shenjë mirënjohjeje ndaj popullit rus për Çlirimin e Bullgarisë nga pushtimi osman në..
Trupat tokësore në Bullgari po shënojnë festën e tyre ushtarake. Në një njoftim për shtyp të Ministrisë së Mbrojtjes, theksohet se më 19 nëntori mbushen 139 vjet nga fitorja e lavdishme në Slivnica dhe 146 vjet nga krijimi i forcave tokësore bullgare. Kjo..
Katedralja Patriarkale “Shën Aleksandër Nevski” kremton sot festën e saj. Tempulli i shenjtë, simboli i kryeqytetit bullgar, është një tempull monument, i..
Më 24 nëntor, Kisha Ortodokse nderon Shën Katerinën, e cila ishte një nga gratë më të arsimuara të kohës së saj. Ajo jetoi në fund të shekullit III..
Vranësira të dendura
Pjesërisht me re