Më 19 tetor, Kisha Ortodokse Bullgare nderon kujtimin e oshënarit të përulur nga mali Rilla dhe mbrojtësit qiellor të popullit bullgar dhe mjekëve bullgarë. I quajtur "engjëll tokësor" dhe "banor qiellor" që gjatë jetës së tij, Shën Ivan (Gjoni) i Rilës është një nga shenjtorët bullgarë më të dashur dhe më të nderuar. Ai lindi në një familje të pasur diku rreth vitit 876 në fshatin Skrino të malit Osogovo dhe jetoi në kohën e përhapjes së krishterimit në trojet tona. Si i ri, Ivan Rillski dëshironte t'i përkushtohej shërbimit të Zotit. Kur ai ishte 25 vjeç, i vdiqën prindërit dhe ai ua dha pjesën e tij të trashëgimisë të varfërve dhe të sëmurëve dhe hyri në një manastir në mal.
Pasi u shugurua murg, Ivani i Rilës u largua nga manastiri dhe u end maleve për një kohë të gjatë para se të vendoset në Rilla, ku u bë i famshëm si shërues dhe mrekullibërës. Kështu shenjtori fitoi shumë ndjekës.
Me emrin e tij lidhet edhe Manastiri i Rilës, më i nderuari nga të gjithë bullgarët, një monument i UNESCO-së që ka ruajtur besimin dhe shpirtëroren e njerëzve ndër shekuj. Igumeni i parë i tij ishte pikërisht Ivan Rillski. Fama e tij përhapet larg malit Rila përtej kufijve jo vetëm të Bullgarisë, por edhe të Evropës.
Shën Ivani Mrekullibërësi i Rilës u largua nga bota tokësore më 18 gusht 946, në moshën rreth 70-vjeçare. Në këtë datë, kisha kremton fjetjen e tij. Dhe festa kryesore e shenjtorit në kalendarin ortodoks është e ashtuquajtura Dita e të Atit më 19 tetor. Më shumë për mbrojtësin qiellor të bullgarëve mund të lexoni në bozimet e mëposhtme nga koleksioni i Radio Bullgarisë.
Përpiloi: Veneta Nikollova
Përgatiti në shqip dhe publikoi: Svetllana Dimitrova
Foto: BGNES, rilskimanastir.org
Në datat 3 dhe 4 gusht mbahet Festivali i përvitshëm kushtuar Malit Rilla . Ai daton që nga viti 1925 dhe festohet në ditët e para të gushtit. Çdo vit në këto ditë mijëra dashamirës të malit nga vendi dhe nga jashtë mblidhen në shpatet e bukura..
Liturgjia Hyjnore do të shërbehet në kishën e fundosur pranë digës Zhrebçevo për të gjashtin vit radhazi më 3 gusht nga Mitropoliti i qytetit Stara Zagora Kiprian. Kisha u ndërtua në vitin 1891 në fshatin Zapalnja, i cili u fshi me dekret në vitin..
Për të 15-in vit radhazi, Pelegrinazhi "Mrekullibërësi i Rilës" mbledh besimtarët ortodoksë nga afër dhe nga larg në një procesion litium nga Sofja deri në Manastirin e Rilës. Në faqen e saj të internetit Mitropolia e Shenjtë e Sofjes njofton se..
Katedralja Patriarkale “Shën Aleksandër Nevski” kremton sot festën e saj. Tempulli i shenjtë, simboli i kryeqytetit bullgar, është një tempull monument, i..
Më 24 nëntor, Kisha Ortodokse nderon Shën Katerinën, e cila ishte një nga gratë më të arsimuara të kohës së saj. Ajo jetoi në fund të shekullit III..
Pjesërisht me re