Ka ndërruar jetë këngëtari, muzikanti dhe kompozitori bullgar Kirill Mariçkov. Tragjedia ka ndodhur në një incident në fshatin Sellanovci (Bullgaria Veroperëndimore), ku muzikanti i rock-ut duhej të kishte një koncert me "Fondacijata", njoftoi televizioni bTV, duke cituar burime të veta.
Rruga profesionale e Kirill Mariçkovit si muzikant rock filloi në fillim të viteve 1960 si basist i grupit të parë rock bullgar "Bëndaracite". Më vonë, ai u bë një nga themeluesit e "Shturcite" - grupi me të cilin regjistroi dhe këndoi këngë të dashura nga disa breza. Grupi ka 8 albume në studio dhe këngë të shumta.
Në vitin 2010 Kirill Mariçkov u nderua me Urdhrin “Shenjtorët Kirili dhe Metodi” për meritat e tij veçanërisht të mëdha në fushën e kulturës dhe artit, dhjetë vjet më vonë mori çmimin më të lartë shtetëror – Urdhrin “Stara Pllanina” – shkalla 1.
Nga viti 2013 e deri më tani, Kirill Mariçkov arriti të takojë bullgarë nga e gjithë bota përmes koncerteve të tij me "Fondacijata" - grupi që bashkoi muzikantë të shkëlqyer si Ivan Leçev, Doni, Sllavço Nikollov dhe Venko Poromanski.
Muzikantët e "Fondacijata" po përgatisnin një koncert special më 30 tetor në sallën 1 të Pallatit Kombëtar të Kulturës (NDK) për të shënuar 80-vjetorin e lindjes së Kirill Mariçkovit dhe për të performuar së bashku me publikun këngën e paharrueshme "Betimi":
"Betohem për Djallin dhe Zotin se do të bëj për ty atë që mundem. U betova!"
U prehtë në paqe!
E shfaqur në skenën muzikore bullgare në fillim të viteve '80 të shekullit të XX-të, në vitet '90 Irina Florin u bë një nga emblemat e zhanrit vendas pop. Kënga e saj e fundit e titulluar "Më afër" tregon edhe një herë një histori për dashurinë. Dhe,..
Mijëra admirues, të afërm dhe miq të legjendës bullgare të rockut Kirill Mariçkov u dyndën në kishën "Shën Sofia" të kryeqytetit për t'u përkulur para eshtrave mortore të muzikantit dhe për të thënë "Lamëtumirë". Në të njëjtën kohë, adhuruesit e..
Ljubo Kirov prezanton këngën më të fundit nga albumi i tij "Zemra e re". Është “një shpërthim rok” i titulluar "Vendimi i fundit". Dhe këtu, mbi muzikë, Ljubo përsëri punon me kitaristin dhe producentin muzikor Angell Djullgerov, i cili është..
E shfaqur në skenën muzikore bullgare në fillim të viteve '80 të shekullit të XX-të, në vitet '90 Irina Florin u bë një nga emblemat e zhanrit vendas..