Largimi i shtetasve bullgarë nga Libani, i kryer me dy fluturime drejt Bullgarisë, tashmë duket i vështirë për t'u realizuar, sipas ambasadorit tonë në vend Jasen Tomov. Sipas tij, fluturimi i radhës është i rrezikshëm, prandaj po kërkohen variante alternative që bashkatdhetarët tanë të kthehen në shtëpi.

Të martën, 169 bullgarë u larguan nga Libani me dy fluturime. “Nga 25 deri në 30 persona duan të largohen nga Libani. Opsionet alternative janë fluturimet e vendeve të tjera partnere dhe aleate që organizojnë për bashkëqytetarët e tyre. Po kërkohen edhe opsione për evakuim nga deti”, tha ambasadori në një intervistë për BNR. Ai shtoi se aktualisht po punohet për nisjen e 10-12 bullgarëve me një fluturim kanadez.

Për bullgarët në Liban u krijuan grupe bisedash, në të cilat ka një rrjedhë të vazhdueshme informacioni. Përveç kësaj, stafi i ambasadës punon gjatë gjithë kohës. Jasen Tomov tha gjithashtu se situata mbetet e tensionuar dhe plot me të panjohura - granatimet vazhdojnë në lagjet e Bejrutit, kryesisht në periferitë jugore.

• 80 bullgarë të tjerë u evakuuan me sukses nga Libani, numri i përgjithshëm i të kthyerve është 169