Pikërisht 100 vjet më parë, më 12 shtator 1924 filloi shenjtërimi i Tempullit Monument “Shën Aleksandër Nevski”, ndërtuar “në shenjë mirënjohjeje ndaj popullit rus për Çlirimin e Bullgarisë nga zgjedha osmane në vitin 1878”, me ide të politikanit dhe figure publike bullgare Petko Karavellov, kujton BTA. Me shenjtërimin e tij u shënua edhe 200 vjetori i transferimit të lipsaneve të Shën Aleksandër Nevskit nga qyteti Vlladimir në Shën Petersburg të sapothemeluar (30 gusht 1724). Ato u vendosën në Lavrën e Aleksandër Nevskit të ndërtuar në kujtim të tij.
Tempulli madhështor në zemër të Sofjes ka tre anijata, dhe për këtë arsye shenjtërimi u bë në tri ditë radhazi - 12, 13 dhe 14 shtator 1924. Më 12 shtator 1924, Mitropoliti Maksim i Plovdivit shenjtëroi fronin e altarit kryesor, më 13 shtator 1924, Kryepeshkopi Anastasij i Kishinaut dhe i Hotinit shenjtëroi altarin verior kushtuar Shenjtorëve Kirill dhe Metodij dhe më 14 shtator 1924 Mitropoliti Stefan i Sofjes shenjtëroi altarin jugor kushtuar Shën Princit Boris Mihaill. Në ceremoninë solemne në kishë ishin të pranishëm delegatë nderi nga shumë vende evropiane.
Lexoni më shumë:
Foto: arkiv
Festivali Ndërkombëtar "Plovdiv - i lashtë dhe i përjetshëm: histori, etnologji, kulturë dhe art" hapet më 14 qershor dhe do të zgjasë deri më 16 qershor. Në veprimtarinë e organizuar nga Shoqata për Rikrijimin Historik “Filipopoll” priten..
A e dini se në kryeqytetin moldavian Kishinau ka një rrugë me emrin Hristo Botev? Pikërisht aty, rreth tre kilometra larg qendrës së qytetit, qëndron një monument mbresëlënës i poetit, revolucionarit dhe figurës publike bullgare, i cili vdiq..
Nga qyteti Tutrakan (Bullgaria Veriore), më 30 maj, filloi marshimi i 39-të "Në rrugën e çetës së Vojvodës Tanjo". Ngjarja është nën patronazhin e Presidentit Rumen Radev. U mbajt rishfaqja tradicionale e zbarkimit të çetës në brigjet e Danubit...