Pomorie, Varna dhe Sofja përfaqësojnë vendin tonë në stendën bullgare gjatë ekspozitës ndërkombëtare turistike International French Travel Market (IFTM) TopResa 2024, me pesë kompani të tjera turistike. Pjesëmarrja bullgare në forumin, i cili do të mbahet nga 17 deri më 19 shtator në kryeqytetin francez Paris, organizohet vitin e radhës nga Ministria e Turizmit. Sivjet, sipërfaqja e stendës bullgare është rritur, krahasuar me atë të vitit 2023, nga 42 metra katrorë në 85,50 metra katrorë, si rezultat i interesit të vazhdueshëm për ekspozitën nga sektori në Bullgari dhe i vizitorëve të regjistruar në stendë.

Në edicionin e ardhshëm të ekspozitës, stenda bullgare do t'i njohë vizitorët me mundësitë për turizëm kulturor, urban, aventuresk/sportiv, ekologjik, mjekësor, spa dhe wellness, në kombinim me llojet e tjera të turizmit që ofron vendi ynë.

Tema e ekspozitës së ardhshme për vitin 2024 i kushtohet idesë së horizonteve të reja të qëndrueshme, në përgjigje të sfidave të shumta me të cilat përballet industria e turizmit - çështje mjedisore, digjitale, ekonomike dhe sociale.