Në moshën 81-vjeçare vdiq gazetari i njohur bullgar dhe internacionalist Ivan Garellov. Prezantuesi televiziv dhe autori i programeve të rëndësishme politike ka ndërruar jetë mëngjesin e sotëm në neuroreanimacionin e spitalit të trajtimit urgjent "Pirogov". Ai u dërgua atje me shpejtësi pas një traume në tru në mes të korrikut të këtij viti.
Ivan Garellov e filloi karrierën e tij gazetareske në Televizionin Bullgar (sot BNT) në vitin 1972 si reporter. Më pas, për 21 vjet drejtoi programin politiko-informativ “Panorama”. Në fillim të tranzicionit krijoi programin gazetaresk të mbrëmjes “Ekipi 4” në televizionin publik kombëtar. Pas vitit 2000 punoi për një kohë të shkurtër në Nova TV si shef i departamentit të lajmeve dhe më pas drejtoi programe në bTV dhe TV7. Gjatë viteve, Garellov ka mbuluar ngjarjet në Qipro dhe Greqi, duke intervistuar një sërë shtetarësh dhe personalitetesh të shquara nga fqinji ynë jugor, raporton BNT. Ai është autor i librave të shumtë, ndër të cilët i fundit ka të bëjë me konfliktin në Lindjen e Mesme, për të cilin gazetari tregon nga veta e parë.
Para aksidentit, Ivan Garellov ishte duke punuar mbi librin e tij të fundit në vendpushimin e Detit të Zi "Sveti Vllas".
Në ngushëllimet e tij, kreu i shtetit Rumen Radev deklaroi: "Profesionalizmi i Ivan Garellovit u ndërtua jo vetëm mbi baza të qëndrueshme morale, erudicionin e madh dhe standardet gazetareske, por edhe mbi një ndërgjegje qytetare, të cilën ai e mbrojti nga ndërhyrjet e papastra për t'u bërë një shembull i gazetarisë së guximshme. Sipas fjalëve të Radevit, Ivan Garellov “ishte i vetëdijshëm për përgjegjësinë e tij si një personazh publik dhe nuk u tërhoq nga përkushtimi ndaj së vërtetës për të përmbushur misionin e tij më të rëndësishëm - t'i shërbejë shoqërisë me qëndrimet e tij kritike dhe të paanshme. “Leximi objektiv i tij i ngjarjeve ishte një udhërrëfyes i besueshëm për publikun dhe një pjesë thelbësore e përpjekjeve për të mbështetur pluralitetin e opinioneve në mjedisin mediatik në vendin tonë”, theksoi presidenti.
U prehtë në paqe!
Foto: BGNES, Rumen Radev - Facebook
"Unë jam Sofja" - kështu quhet festivali i ri i arteve dhe emocioneve, i cili do të mbahet nga 17 deri më 23 shtator në hapësirën përballë Pallatit Kombëtar të Kulturës në qendër të kryeqytetit bullgar. Ai është pjesë e programit “Sofja feston 17..
Gjatë natës retë do të çahen përkohësisht dhe do të zvogëlohen në pjesën më të madhe të vendit. Më të theksuara do të mbeten në zonat juglindore, ku në vende të izoluara do të ketë ende reshje shiu. Temperaturat minimale do të lëvizin ndërmjet 6°..
Komisioni Qendror i Zgjedhjeve (KQZ) dhe Këshilli i Ministrave do të punojnë së bashku për të rritur besimin në procesin zgjedhor dhe për t'i bërë zgjedhjet transparente. Kështu deklaroi kryetarja e KQZ-së, Kamelija Nejkova, pas takimit me ministrat..
Sot ministri i punëve të jashtme Ivan Kondov dhe ambasadori i jashtëzakonshëm dhe fuqiplotë i SHBA-së në Bullgari Kenneth Merten diskutuan në një..
Ekaterina Zaharieva, e nominuar nga GERB-SDS për Komisionere Evropiane nga Bullgaria, merr portofolin e startup-eve, kërkimeve shkencore dhe inovacionet...
Janë regjistruar 24 parti dhe 9 koalicione për të marrë pjesë në zgjedhjet e parakohshme parlamentare të 27 tetorit, ka bërë të ditur nënkryetarja..