Presidenti Rumen Radev nuk pranoi që Kalin Stojanov të mbetet ministër i punëve të brendshme dhe refuzoi të nënshkruajë një dekret për emërimin e qeverisë së përkohshme të kryesuar nga Gorica Grënçarova - Kozhareva.

Kreu i shtetit i kërkoi kandidates Gorica Grënçarova-Kozhareva që deri në orën 15:00 të paraqesë kandidatin e ri për ministre të brendshme. Sipas Radev Stojanov nuk do të garantojë zgjedhje të ndershme. Kandidatja për kryeministre argumentoi se u konsultua me të gjithë drejtuesit në ministri për të bërë zgjedhjen e saj dhe nuk pranoi ta zëvendësojë atë.

Pas përgjegjës së Kozhareva, presidenti tha se zgjedhjet do të mbahen pas 20 tetorit, se më 20 gusht nuk do të ketë asnjë betim të qeverisë së përkohshme. Ai i bëri thirrje Legjislaturës së 50-të ende aktive të Kuvendit Popullor të mblidhet në një seancë të jashtëzakonshme për të plotësuar listën nga e cila kreu i shtetit mund të zgjedhë një kryeministër në detyrë.

Kreu i shtetit tha gjithashtu se puna e qeverisë aktuale të përkohshme të Dimitër Gllavçev vazhdon.

Në një postim në faqen e Këshillit të Ministrave në Facebook, Dimitër Gllavçev theksoi se do t'i kryej detyrat e tij si ushtrues detyre i kryeministrit për aq kohë sa duhet për të parandaluar që vendi të bjerë në krizë kushtetuese. Gllavçev gjithashtu thekson se e ndjen detyrën e tij "të udhëheqë vendin në këtë situatë të paprecedentë".

• Gorica Grënçarova-Kozhareva është kryeministrja e re në detyrë