Ish-ministrja e mbrojtjes e Maqedonisë së Veriut, Radmilla Shekerinska, diskutohet gjerësisht për zëvendëssekretaren e përgjithshme të NATO-së, post për të cilin kandidon edhe ish-ministrja e jashtme dhe komisionere evropiane Maria Gabriel. Këtë e shkruan “Politico”, cituar nga “Dnevnik”, në një analizë për postin e dytë më të rëndësishëm në NATO, pasi Mark Rutte merr drejtimin e aleancës më 1 tetor. Shekerinska luajti një rol kyç në pranimin e Shkupit në NATO 4 vjet më parë dhe nuk ka dyshim për orientimin dhe besnikërinë e saj properëndimore.

Për postin janë të interesuar edhe Polonia, Turqia dhe Letonia dhe vetëm Letonia ka treguar një emër – atë të ish-kryeministrit Krishjanis Karinsh, shkruan “Politico”.