Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Presidenti Rumen Radev:

Klasa politike në Republikën e Maqedonisë së Veriut ka frikë të njohë ekzistencën e fjalës "bullgar" atje

Presidenti Rumen Radev
Foto: BTA - arkiv

Kreu i shtetit Rumen Radev bëri thirrje për veprime konkrete të menjëhershme nga qeveria bullgare dhe institucionet evropiane për respektimin e parimeve evropiane për zgjerimin e Bashkimit Evropian.

“Qeveria e re në shtetin tonë fqinj ka treguar qartë se frika më e madhe e klasës politike në këtë vend është të njohë ekzistencën e fjalës “bullgar” në Republikën e Maqedonisë së Veriut”, theksoi presidenti bullgar para gazetarëve pas pjesëmarrjes në një forum për transformimin e gjelbër. Ai u kërkua të komentojë retorikën e qeverisë së re në Maqedoninë e Veriut në lidhje me Bullgarinë, dhe në veçanti deklaratat e kryeministrit Hristijan Mickoski se Shkupi do të kërkojë negociata me Bullgarinë për ndryshimin e kornizës negociuese.

Në orët e pasdites së 25 qershorit, Ministria e Punëve të Jashtme (MPJ) e Bullgarisë publikoi në faqen e saj zyrtare një qëndrim në të cilin e cilësoi si të papranueshëm qëllimin e deklaruar të qeverisë së re të Maqedonisë së Veriut për të refuzuar kërkesën legjitime të një pjese të qytetarëve të saj për garantimin e të drejtave dhe lirive në të njëjtin nivel me të gjitha komunitetet e tjera në vend, duke përfshirë përfshirjen e tyre në kushtetutën e vendit fqinj.


Në qëndrimin e MPJ-së thuhet se Bullgaria “kujton se konsensusi evropian i arritur në verën e vitit 2022 ndërmjet 27 vendeve anëtare të BE-së dhe vetë Maqedonisë së Veriut përshkruan qartë hapat për të arritur një progres real në procesin e integrimit evropian të vendit fqinj. Gjithashtu, parimi i unanimitet në procesin e zgjerimit të BE-së është vendosur në Traktatin e Bashkimit Evropian dhe është i përfshirë në kuadrin negociator të të gjitha zgjerimeve të mëparshme dhe aktuale”.

“Ngritja e ideve për rinegociim të angazhimeve tashmë të ndërmarra ndërkombëtare do të çonte vetëm në distancim të mëtejshëm nga fillimi i negociatave për anëtarësim në BE”, shkruhet në qëndrimin e Ministrisë sonë të Jashtme, ku kujtohet se “si pasojë e provokimeve dhe konfrontimeve të panevojshme me vendet fqinje, Maqedonia e Veriut tashmë ka humbur shumë kohë në procesin e hapjes së negociatave të anëtarësimit”. Për këtë arsye, Sofja e cilëson si “të papranueshëm” synimin e deklaruar të Shkupit për të mos respektuar zotimet ndërkombëtare dhe marrëveshjet e nënshkruara.

Kërkesa e kryeministrit të fqinjit tonë jugperëndimor Hristijan Mickoski për ndryshimin e kornizës së negociatave për integrimin e republikës dhe të kushtit për njohjen e bullgarëve si komb ndërtues në kushtetutën e tyre u bë shkak për një deklaratë të veçantë të një prej partive në parlamentin bullgar.

Deklarata e radhës kundër Bullgarisë e një nga përfaqësuesit e autoriteteve në Republikën e Maqedonisë së Veriut, ngre sërish shkallën e tensionit në marrëdhëniet diplomatike mes dy vendeve – vuri në dukje në një deklaratë nga tribuna e Parlamentit kryetari i grupit parlamentar të "Ka një popull të tillë" Toshko Jordanov.

Toshko Jordanov

"Kjo është dëshmia e radhës se kompromiset e shumta në skenën diplomatike nuk çojnë në rezultatet e dëshiruara. Kryeministri i Republikës së Maqedonisë së Veriut madje i lejon vetes të bëjë presion ndaj deputetëve bullgarë dhe evropianë që të mbështesin kauzën e tij për të ashtuquajturin rinegocim nëpërmjet anëtarësimit të tyre në familjet e përbashkëta evropiane. Kryeministri Mickoski, deklaroi se diktati bullgar nuk do të kalojë derisa ai të jetë kryeministër. Tani do t'i parafrazoj fjalët e tij - Mcoski, ndërsa ju vazhdoni të flisni për diktimin bullgar dhe nuk i respekton marrëveshjet, shteti i Maqedonisë së Veriut nuk do të hyjë kurrë në Bashkimin Evropian”, tha Toshko Jordanov.

Foto: BTA, MPJ, BGNES



Последвайте ни и в Google News Showcase, за да научите най-важното от деня!

Më shumë nga rubrika

Ivan Kondov dhe Manuell Saracin

Bullgaria ka një qëndrim të qartë dhe konsekuent ndaj Maqedonisë së Veriut

Bullgaria ka një qëndrim shumë të qartë dhe konsekuent për integrimin evropian të Maqedonisë së Veriut, bazuar në zbatimin e rreptë të konsensusit evropian nga korriku i vitit 2022. Këtë e deklaroi zëvendësministri i punëve të jashtme Ivan Kondov në..

botuar më 24-07-25 12.43.MD

Diplomacia bullgare shënon 145 vjetorin e themelimit të saj

Në rezidencën "Bojana", ushtruesi i detyrës së kryeministrit dhe të ministrit të jashtëm, Dimitër Gllavçev i mirëpriti stafit diplomatik në pritje për Ditën e Dikaterit Diplomatik Bullgar - 19 korrik dhe 145 vjetorin e themelimit të shërbimit...

botuar më 24-07-23 10.19.PD
Олаф Шолц, Марош Шевчович

Ngjarjet me adresë ballkanike

Importet e litiumit nga Serbia do të ndihmojnë BE-në të zvogëlojë varësinë e saj nga Kina Kancelari gjerman Olaf Scholz dhe nënkryetari i Komisionit Evropian i ngarkuar për energjinë Maros Ševçović do të vizitojnë..

botuar më 24-07-19 1.46.MD