Te data e sotme, është e vështirë të thuhet se shteti ka një strategji të qëndrueshme dhe të qëllimshme për bullgarët në mbarë botën dhe ruajtjen e njohurive për fisin dhe gjuhën bullgare. Përkundrazi, secila prej mediave bën atë që mundet dhe atë që mendon se është e drejtë. Një mendim të tillë e shprehu Drejtori i Përgjithshëm i Radios Kombëtare Bullgare, Milen Mitev, gjatë Takimit të 19-të Botëror të Mediave Bullgare në Ukrainë. Rrëfimet e bashkatdhetarëve tanë jashtë vendit, të treguara nga mediat, duhet të dëgjohen si “nga njerëzit që janë në pushtet dhe mund të marrin vendime, ashtu edhe nga të gjithë audiencat tona që duhet të dinë më shumë se si jetojnë bashkatdhetarët tanë nëpër botë”, theksoi Milen Mitev.

"Në vitin 1936 nisi veprimtaria e Radio Bullgarisë me transmetime jashtë vendit. Edhe atëherë paraardhësit tanë e kuptuan se për të përhapur njohuritë për Bullgarinë duhej një media e veçantë që të fliste si në bullgarisht ashtu edhe në gjuhë të huaj", vuri në dukje Mitev.

Ai vuri në dukje se ekipi i "Radio Bullgarisë" flet për Bullgarinë në 10 gjuhë të huaja dhe në bullgarisht dhe materialet e tij janë të disponueshme në të gjithë botën.

Ai u bëri thirrje të gjithë bullgarëve që jetojnë jashtë vendit që të kontaktojnë mediat dhe t'i ndihmojnë ata të tregojnë historitë e tyre.

Lexoni më shumë:

• Kur dhe si u shfaqën programet jashtë vendit të radios bullgare (Pjesa 1)

• Kur dhe si u shfaqën programet jashtë vendit të radios bullgare (Pjesa 2)

• Nëse nuk e dini, na lejoni t'ju kujtojmë…