Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Mirëdashja është në qendër të festës së Kurban Bajramit

Kryemyftiu: Islami i urdhëron myslimanët të jenë dashamirës ndaj problemeve të të gjithë njerëzve, pavarësisht nga feja e tyre

D-r Mustafa Haxhi
Foto: grandmufti.bg

Myslimanët në Bullgari festojnë Kurban Bajramin. "Kurbani është një fjalë arabe që do të thotë “afrim”. Përmes kurbanit, myslimanët bëjnë gjithçka që është e mundur për t'iu afruar mëshirës së Allahut", tha kryemyftiu në Bullgari, Dr. Mustafa Haxhi, në fjalimin e tij me rastin e festës.

“Kurban Bajrami është kulmi i kryerjes së “haxhit”, pasi sot haxhinjtë janë në Mekë. Myslimanët që nuk janë në haxh por në vendlindjet e tyre festojnë Kurban Bajramin duke bërë kurban. Mishin ua dhurojnë të afërmve të tyre, por edhe nevojtarëve, nga e cila është e qartë se Islami i urdhëron myslimanët të jenë dashamirës ndaj problemeve të të gjithë njerëzve. Pavarësisht nga përkatësia etnike dhe feja, myslimanët i trajtojnë në një mënyrë të gjithë njerëzit që kanë nevojë... Gëzuar Kurban Bajramin!"


Që nga mbrëmja e 14 qershorit në fshatra të ndryshme bullgare kanë nisur koncertet festive kushtuar festës më të madhe myslimane, mesazhi i së cilës lidhet me vetëflijimin për hir të së mirës së përbashkët. Sigurisht, njerëzve nuk u kërkohet të sakrifikojnë jetën e tyre, por është e nevojshme të ndihmohen të gjithë nevojtarët.

Një ritual i rëndësishëm i festës është flijimi i një kafshe shtëpiake, që ka një kuptim të thellë shpirtërordhe është i lidhur me shëmbëlltyrën për fëmijën për të cilën i ka lutur Allahut profeti Ibrahim. 


Shevkie Çakër nga Redaksia e Gjuhës Turke e Radio Bullgarisë na tregoi:

"Profeti Ibrahim nuk pati fëmijë për një kohë të gjatë dhe iu lut Allahut duke thënë: "Unë do të jap më të vlefshmen që kam, por më jep një fëmijë, një trashëgimtar!" Dhe me të vërtetë, jo shumë kohë më vonë, djali i tij Ismail lindi. Por vjen koha dhe Allahu i shfaqet në ëndërr dhe i thotë se është koha për të sakrifikuar më të vlefshmen që ka. Profeti nuk heziton dhe vendos të sakrifikojë djalin e tij. Atëherë Allahu i dërgon një dash dhe i thotë: "Kjo ishte sprova për ty, ti e vërtetove dashurinë tënde për mua dhe që atëherë myslimanët therin kurban."


Si gjatë Ramazan Bajramit, ashtu edhe gjatë Kurban Bajramit, falja është e rëndësishme. Pas mbarimit të namazit të festës, të rinj e të vjetër, urojnë njëri-tjetrin për festën. Të vegjlit i puthin duart e të moshuarve. Pastaj të gjithë shkojnë në shtëpi dhe aty të gjithë në familje puthin duart e të moshuarve dhe i urojnë festën.

Tradicionalisht, e gjithë familja mblidhet në tryezën festive. Në dhjetë vitet e fundit, familjarët që ndodhen jashtë vendit përpiqen të kthehen në shtëpi në këtë festë për të qenë me prindërit ose fëmijët e tyre të moshuar në këtë festë të shenjtë.

Natyrisht, më të lumtur janë fëmijët, ata shkojnë shtëpi më shtëpi dhe vitet e fundit në disa fshatra të Bullgarisë në këtë traditë përfshihen të gjithë fëmijët e fshatit, pavarësisht nëse janë turq, bullgarë apo romë. I puthin dorën nikoqirit ndërsa ai u dhuron karamele dhe para.

Kurban Bajrami zgjat 4 ditë.

Përpiloi: Elena Karkallanova

Foto: grandmufti.bg, BNR-Kërxhali, BGNES

Përgatiti në shqip dhe publikoi: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Projekti “Traditat” hap punëtori për dashamirët e qeramikës së Busincit

Në muajt e ardhshëm në kryeqytetin e Sofjes, Burgas (Bullgari Jugore) dhe Ihtiman (Bullgari Jugore) do të mbahen tre cikle punëtorish për qeramikë dhe leksione edukative për shkollën e qeramikëssë Busincit. Në kuadër të projektit “Traditat”,..

botuar më 25-03-11 6.20.PD
Foto: Muzeu Kombëtar Etnografik – Akademia Bullgare e Shkencave

E kuqe dhe e bardhë - amuleti bullgar i pranverës për shëndet është i mbështjellë me legjenda dhe besime

Sipas besimeve popullore, ngjyra e kuqe zotëron fuqinë e diellit dhe i jep vitalitet çdo qenieje të gjallë, ndërsa e bardha simbolizon pastërtinë, pafajësinë dhe gëzimin. Shfaqja e fijeve të përdredhura të bardha dhe të kuqe të njohura si..

botuar më 25-03-01 8.30.PD
Hristo Stojçev

Hyjmë në studion e gdhendjes së drurit në Samovodska Çarshija

Rëndësinë më të madhe zanati e fitoi gjatë Rilindjes, kur gdhendja e drurit hyri në shtëpitë e bullgarëve si një mjet zbukurimi, ne mund ta gjejmë në kompozime komplekse arkitekturore, ikonostasa, por edhe në dekorimin e objekteve. Ta pikturosh..

botuar më 25-02-24 7.30.PD