Nxënësit në Ugandë mësojnë të këndojnë këngë bullgare dhe të luajnë vallet tona popullore. Kjo falë Daniell Delibashevit, i cili krijoi një shkollë në vendin afrikan dhe ndihmon fëmijët vendas. Ai u dekorua nga Ministri i Arsimit dhe Shkencës, Prof. Galin Cokov, me diplomë nderi. Në një takim në Ministrinë e Arsimit, të dy diskutuan mundësitë për zgjerimin e përhapjes së kulturës, muzikës dhe vallëzimit bullgar midis nxënësve në Ugandë.
Me ndihmën e donatorëve, Daniell Delibashev ka ndërtuar një shkollë me një kopsht dhe një konvikt për rreth 300-350 fëmijë 50 km larg kryeqytetit Kampala. Aty studiojnë dhe strehohen kryesisht jetimët dhe fëmijët e braktisur. Falë këngëve ata mësojnë fjalë dhe shprehje në bullgarisht. Për momentin, gjuha jonë nuk mësohet në shkollë, por po mendohet që në të ardhmen të ofrohen mësime në gjuhën bullgare për fëmijët që planifikojnë të vazhdojnë shkollimin në Bullgari. Tani për tani, shumica e këtyre nxënësve kanë sponsorë bullgarë të cilët paguajnë taksën vjetore të shkollimit në shkollë, e cila është 390 leva (rreth 195 euro).
Është planifikuar që përfaqësues të një ansambli folklorik bullgar të vizitojnë Ugandën dhe të japin mësime në vallet popullore, të cilat pëlqehen shumë nga fëmijët vendas.
Foto: Ministria e Arsimit dhe Shkencës, arkiv
Universiteti i Sofjes “Shën Kliment Ohridski" (SU) është në vendet 741-750 në renditjen e universiteteve më prestigjioze në botë QS World University Rankingspër vitin 2024. SU është përfshirë në renditje që nga viti 2014. Renditja e këtij viti përfshin..
Shkolla e mesme e qytetit Bolgrad, e cila mban emrin e revolucionarit dhe figurës së shquar bullgare Georgi Sava Rakovski, është shkolla e parë e mesme bullgare e krijuar jashtë vendit. 165-vjetori i shkollës na jep një mundësi të rikujtojmë historinë..
Kryetarja e KE-së, Ursula von der Leyen, u takua me banorët e Plovdivit. Vizita, e cila u zhvillua të dielën në Teatrin Antik në qytet, është pjesë e turneve në vendet anëtare të BE-së të kandidatëve kryesorë për presidentin e ardhshëm të..
Ashtu si një jetë njerëzore 90-vjeçare, fati i kishës metropolitane “Shën Apostuj Pjetër dhe Pali” është i mbushur me ulje-ngritje, me mundime, por edhe..
Kushtet për lundrim në lumin Danub do të përmirësohen përmes projektit evropian DISMAR me vlerë 10 milionë euro, njoftoi BTA, duke cituar drejtorin..
Më 30 qershor është mbledhur Këshilli Zgjedhor Patriarkal i Kishës, ku duhet të zgjidhet përfaqësuesi i Kishës Ortodokse Bullgare dhe Mitropoliti i..