Ka interesim të madh për edicionin e 121-të të Festës së Trëndafilit në qytetin e Kazanllëkut (Bullgaria Qendrore), tha për BTA nënkryetarja e bashkisë Srebra Kaseva.

Agjencitë turistike kanë deklaruar vizita të grupeve nga e gjithë bota. Për festat e 31 majit, 1 dhe 2 qershorit, akomodimi në qytet është i rezervuar plotësisht akoma në muajin mars. Do të ketë vizita edhe të delegacioneve nga qytetet e binjakëzuara të Kazanllëkut.

 “Do të kemi delegacione nga Koreja e Jugut, Kina, Maqedonia e Veriut dhe Greqia. Një interes të madh kanë shfaqur edhe ambasadat e huaja në Bullgari. Ka dëshira të konfirmuara nga ambasadorë të shumtë që do të jenë këtu gjatë ditëve festive”, thotë Kaseva. Në procesionin final më 2 qershor do të mblidhen 5500 pjesëmarrës. Më 31 maj, në një ceremoni solemne do të kurorëzohet Mbretëresha e 56-të e Trëndafilit. Këtë vit ajo është Nedelina Nedellçeva.