Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Kënga popullore bullgare “Rajna” – pjesë e Projektit “Ura mes kulturave”

Foto: Youtube / Daniell Verstapen

Folklori bullgar preokupon prej kohësh muzikantë nga e gjithë bota me veçantinë dhe mundësitë e tij të pashtershme. Një shembull tjetër i një prirjeje të tillë është bashkëpunimi mes muzikantëve Daniell Verstapen dhe Nina Nikolina. Në dy koncertet e tij të ardhshme në Bullgari, pianisti belg do të prezantojë interpretimin e këngës autentike popullore bullgare "Rajna", krijuar në partneritet me këngëtaren Nina Nikolina. Për këtë sesi lindi ideja të bashkëpunojë me këngëtaren bullgare Nina Nikolina, pianisti Daniell Verstepan tregon:

“U dashurova me zërin e saj sapo e pashë në filmin “Mbreti i Belgjikës”. Folklori juaj është magjik! Thellësia, pasuria e zërave, kompozimet – janë të pakrahasueshme.Tekstet janë kaq interesante, plot legjenda dhe njohuri. “U zhyta” në to dhe fatmirësisht takimi ynë me korrespondencë me Ninën erdhi në kohë që folklori bullgar të bëhej pjesë e projektit “Ura mes kulturave”, me të cilin aktualisht jam në një turne botëror”.

Pianisti prezanton një këngë lokale, të njohur dhe të dashur në çdo pikë të turneut të tij, në çdo kontinent. Pak para koncerteve prej tij mësojmë më shumë për procesin e punës me këngëtaren tonë:

“Menaxheri im kontaktoi Nina Nikolinën, i tregoi idenë dhe për fat ajo u përgjigj. Unë u mora me krijimin e muzikës dhe Nina, si një nga njohësit më të mirë dhe interpretueset më të shkëlqyera të folklorit, duhej të gjente tekstet më me ndikim. "

Nina Nikolina shton:

“Edhe në formën e saj të papërpunuar, baza që më dha Daniell tingëllonte aq kozmopolite sa që e dija se cila do të ishte kënga bullgare që ne duhet të inkorporonim.  Zgjodha një nga të ashtuquajturat “këngë të vështira” – ato me të cilat këngëtarët diplomohen në Akademinë e Muzikës. Është nga rajoni i qytetit Pazardzhik, i kushtohet Rajna Knjaginja dhe u bë e njohur kur u interpretua nga këngëtarja e paimitueshme Nadka Karaxhova. Për mrekulli, teksti dhe melodia "përqafuan" njëri-tjetrin në një sinkron të tillë - sikur të ishin shkruar në të njëjtën kohë.

Në final aranzhimin e bëri Javor Rusinov, i cili prej vitesh punon me folklorin bullgar në një tingëllim të përditësuar. Për të interpretuar këngën "Rajna" në koncertet  u ftuan edhe muzikantët Kalin Veljov - perkusione, Damjan Jordanov - fyell, i cili gjithashtu mori pjesë në regjistrim, dhe Kori "Zërat Magjikë".

Në fakt, “Rajna” do të ketë premierë, edhe jashtë Bullgarisë. Daniell Verstapen dhe Nina Nikolina do ta prezantojnë atë më 26 maj 2024 në Gent - kryeqytetin kulturor të Belgjikës. Në koncert do të marrin pjesë edhe Kori bullgar i Grave "Bullgapeja" nga Brukseli dhe Kori "Futioza" nga Genti.

Redaktore: Diljana Traçeva

Përgatiti në shqip dhe publikoi: Svetllana Dimitrova

Foto: Youtube / Daniell Verstapen, Facebook / Daniell Verstapen, Facebook /Nina Nikolina




Последвайте ни и в Google News Showcase, за да научите най-важното от деня!

Më shumë nga rubrika

"A do të puth" – kënga më e re e interpretueses Dani Ilieva

Një vajzë e re e njohur nga sezoni i fundit i "Zërit të Bullgarisë" - Dani Ilieva - prezantoi këngën e saj të re me titull "A do të puth". Në vitin 2022, vetëm 16 vjeçe, Dani u bë interpretuesja më e re që fitoi "Burgas dhe Deti". Ky nuk ishte çmimi..

botuar më 24-06-17 8.10.PD

“Liruar” – humor veror me Innerglow

Me këngën e tyre “Liruar” Trioja Innerglow ishte ndër finalistët në edicionin e 55-të të sivjetshëm të Konkursit “Pranvera” të BNR-së. Ideja për të lindi më herët dhe duke kuptuar se tingëllon e këndshme, Todor Kovaçev, Petër Zhelev dhe Matej..

botuar më 24-06-14 8.15.PD

"Përmes 100 tokave" - Vjara Panteleeva na çon në një udhëtim drejt vetvetes

Vjara Pantaleeva mirëpriti pranverën dhe po hyn në verë me një këngë të re. "Përmes 100 tokave" është një rrëfim përrallor për rrugëtimin personal që secili prej nesh nis herët a vonë. Misticizmi në aspektin muzikor nënkuptohet me një motiv të lehtë..

botuar më 24-06-13 11.35.PD