Në Sofje u mbajt Konferenca “Puna e mësuesve zviceranë – mesazh dhe sfidë për brezat e ardhshëm”. Ajo u organizua nga Akademia Kombëtare e Sporteve “Vasill Levski” dhe Ambasada e Zvicrës në vendin tonë dhe iu kushtua 130 vjetorit të ardhjes së mësuesve zviceranë që hodhën themelet e edukimit fizik në Bullgari.

Çfarë tregon historia? Më 17 maj 1894, nga Zvicra erdhën në Sofje 10 mësuesit e parë të kulturës fizike me detyrën për të hedhur themelet e sportit në Bullgari. Midis tyre ishin Sharll Shampo dhe Lui Ajer.

• Lui Ajer – zvicerani me zemrën bullgare

Për herë të parë në Bullgari zviceranët importuan topa futbolli dhe pajisje të ndryshme gjimnastike. Shampo ishte pjesëmarrësi i parë për Bullgarinë në Lojërat Olimpike Verore në vitin 1896 në Athinë. Megjithatë, Lui Ajer fitoi famë më të madhe, i cili shkoi për të luftuar në Luftërat Ballkanike dhe në Luftën e Parë Botërore, gjatë së cilës vdiq në betejën pranë Doiranit në 1916. Një rrugë në Sofje mban emrin e tij.

Për nder të ardhjes së mësuesve zviceranë në Bullgari, 17 maji është caktuar si Dita e Sportit Bullgar.