Bullgarët е Besаrabisë ruajnë traditën e një loje të veçantë me vezët e Pashkëve

botuar më 24-05-05 7.30.PD

Foto: Arkiva personale

Lojërat ku personazhi kryesor është veza, ndoshta nuk janë shumë. Në Gjermani, për shembull, për Pashkë, familjet vizitojnë tempullin, dhe më pas fëmijët kërkojnë vezë në kopsht, të fshehura nga lepurushi i Pashkëve - një simbol i pjellorisë. Megjithatë, nëse kërkojmë informacion, do të gjejmë një traditë të ruajtur në territorin e Besarabisë së sotme, ku jetojnë shumë bullgarë etnikë.

"Të gjitha vezët vendosen në një vijë - nga një për secilin pjesëmarrës. Më pas, me një top tenisi, pjesëmarrësi përpiqet të shtyjë njërën prej vezëve nga korniza në të cilën ndodhet. Çdo vezë që del nga korniza është një trofe për atë që e ka qëlluar. Loja zhvillohej në rrugë dhe për secilën vezë bëhej një shtrat prej rëre dhe dheu, në të cilin veza mund të qëndronte drejt”, - na tregoi etnografia nga Moldavia, Galina Manollova.

"Kur shkruajta për këtë lojë, isha e sigurt se ajo ekzistonte ende, por ajo që më habiti ishte se doli që loja ishte plotësisht e humbur! Kuptova se ishte e njohur jo vetëm në fshatin tim të lindjes Kajraklija, por edhe në fshatrat përreth, kryesisht ato bullgare - sqaron Galina Manollova - Po kërkoja materiale për të parë nëse kjo nuk është një huazim nga moldavët, ukrainasit apo rusët, por kjo lojë vërehet vetëm te bullgarët.

Për Pashkët te bullgarët në Moldavi, na tregon një botim interesant nga koleksioni i Radio Bullgarisë, në të cilin mund të lexoni rrëfimin e studiueses për lojën pothuajse të harruar të Pashkëve të bashkatdhetarëve tanë të Besarabisë dhe urimin e saj për më shumë paqe dhe dritë në shpirtrat tanë:

Etnografja besarabe Galina Manollova ringjall një "lojë me vezë" të humbur në kohë

Foto: arkiva personale

Përgatiti në shqip dhe publikoi: Kostandina Bello

Последвайте ни и в Google News Showcase, за да научите най-важното от деня!

Ndaje

Bullgarët е Besаrabisë ruajnë traditën e një loje të veçantë me vezët e Pashkëve

Më shumë nga rubrika

Të krishterët ortodoksë në Bullgari kremtojnë Fjetjen e Shën Anës

Profeti i shenjtë Ilia - i zgjedhuri i Zotit

Në qytetin Kazanllëk shënojnë 187 vjetorin e lindjes së Apostullit të Lirisë Vasill Levski dhe 156 vjetorin e vdekjes së vojvodës Haxhi Dimitër