Kryeministri në detyrë Dimitër Gllavçev propozon Daniell Mitovin për ushtrues detyre të ministrit të punëve të jashtme në vend të diplomatit të karrierës Stefan Dimitrov. Këtë e bëri të ditur shërbimi për shtyp i Këshillit të Ministrave.

Propozimi duhet të miratohet nga presidenti Rumen Radev. Kryeministri e motivoi zëvendësimin me nevojën për "koordinimin dhe komunikimin në kohë dhe të përgjegjshëm midis anëtarëve të qeverisë së përkohshme, si dhe me aleatët dhe partnerët". Disa orë para përhapjes së këtij lajmi, kreu i GERB-it Bojko Borisov u tha votuesve në kryeqytet: "Isha i sigurt për gjeneralin Atanas Zaprjanov se ai nuk do të tërhiqej nga pozitat e NATO-së - mbështetje për Ukrainën. Ndryshe nga ministri i jashtëm. GERB është përgjegjës për Ministrin e Mbrojtjes. Ne nuk mbajmë asnjë përgjegjësi për ministrin e jashtëm. Nëse Gllavçev nuk e zëvendëson, nuk do të ketë asnjë mbështetje. Sepse ai po ndryshon doktrinën që kishte Ministria e Jashtme, Ministria e Mbrojtjes dhe partia jonë”.