Një nga grupet më të njohura dhe më të dashura të rokut bullgar – B.T.R., gjatë vitit 2024 shënon 30 vjetorin e tij. Muzikantët e festuan këtë përvjetor në fund të vitit të kaluar me një koncert të madh, i cili u prit me shumë interes nga publiku. Në verë ata vazhdojnë me një turne evropian që fillon nga Vjena, pas së cilës do të japin koncerte edhe në vend. Turneu kombëtar, i cili përfshin shtatë qytete, fillon më 27 qershor në Stara Zagora. Finalja është me një koncert në Sofje më 20 nëntor.
Sa i përket programit të pasur të koncerteve, Sllavço Nikollov – kitarist, vitet e fundit edhe autor kryesor i këngëve të B.T.R. - tregon:
“Jemi shumë të lumtur që këngët e dy albumeve tona të fundit u radhitën pranë hiteve të mëdha që kemi krijuar dhe që 30 vjet transmetohen në radio dhe televizion. Në koncertet ne performojmë një pjesë të madhe të këngëve nga dy albumet e fundit - "Muret e padukshme" dhe "Puzzle". Krahas kësaj interpretojnë edhe një këngë nga çdo album që kemi. Deri më tani incizuam 13 albume dhe një album të dyfishtë - duke e bërë atë 15 gjithsej."
Paralelisht me turneun, grupi po punon edhe për albumin e tij të parë koncert, i cili pritet të dalë këtë vit, së bashku me një album përvjetor dhe CD "30 vjet B.T.R." nga koncerti i tyre i përbashkët me Orkestrën Simfonike të Teatrit të Muzikës dhe Dramës “Konstantin Kisimov” - Veliko Tërnovo, të drejtuar nga Georgi Patrikov.
Ndër këto ngjarje renditet edhe kënga e tyre më e re “Fjalë pa gënjeshtra”. Kjo është kënga e shtatë në albumin e fundit "Puzzle" të formacionit B.T.R. Atanas Penev - frontmeni i grupit - e paraqet kështu:
“Kjo është një këngë që na pëlqen shumë. Është një ribërje e një kënge nga repertori i formacionit B.T.R. nga viti 1997. Por teksti ishte fjalë për fjalë adoleshente. Sllavço Nikollov krijoi tekstin e ri. Doemos këngën e regjistruam përsëri me të gjitha korrigjimet e bëra në të. Ne ftuam edhe mikun tonë të vjetër Dobromir Polikov me një kitarë të dytë dhe ata të dy me Sllavço Nikollov korrespondojnë shumë mirë.”
Videoja e regjisorit Bojan Karamfillov, është në përshtatje me tingëllimin e fortë të këngës dhe vizionin e grupit për muzikën.
Përgatiti në shqip dhe publikoi: Svetllana Dimitrova
Vjara Pantaleeva mirëpriti pranverën dhe po hyn në verë me një këngë të re. "Përmes 100 tokave" është një rrëfim përrallor për rrugëtimin personal që secili prej nesh nis herët a vonë. Misticizmi në aspektin muzikor nënkuptohet me një motiv të lehtë..
22 kore nga Bullgaria, Serbia dhe Angola po marrin pjesë në edicionin e sivjetmë të Festivalit Ndërkombëtar Koral "Tingujt e Detit të Zi" në qytetin bregdetar bullgar Ballçik nga 12 deri më 16 qershor. Përveç katër mbrëmjeve të festivalit gjatë..
Mirosllav Ivanov është një kitarist, aranzhues dhe autor i muzikës, i cili është i pranishëm në shumicën e grupeve dhe projekteve më interesante të muzikës bashkëkohore bullgare. Ai gjithashtu ka tre albume solo me muzikë instrumentale -..
Një nga ngjarjet kulturore më të pritura gjatë verës në Sofje fillon nga sot. Për vitin e 13-të, festivali A to JazZ do ta transformojë Parkun Jugor 2 në..
“Bërë për mua” është kënga e tretë prej autore e këngëtares së re dhe të talentuar Elia Todorova, të cilën ajo vetë e cilëson si më dinamike në..