Deputetët më në fund kanë miratuar projektligjin për ratifikimin e marrëveshjes ndërkombëtare midis Bullgarisë dhe SHBA-së për blerjen e makinave të reja luftarake Stryker për këmbësorinë, njoftoi reporteri i BNR, Daniell Inkov. Me votat e GERB-SDS, “Po e vazhdojmë ndryshimin” – “Bullgaria Demokratike” /PP-DB/ dhe Lëvizja për të Drejtat dhe Liritë /DPS/, vendi ynë do të paguajë 2.2 miliardë dollarë pa TVSH për 196 makineri tokësore. Zbatimi i kontratës do të mundësojë që në një periudhë të shkurtër kohore të kapërcehet një pjesë e deficitit në aftësitë e trupave tokësore në ushtrinë bullgare. "BSP për Bullgarinë" dhe "Vëzrazhdane" e kritikuan kontratën. "Bullgaria po nënshkruan një çek bosh, pasi ky është një çmim i mundshëm. Nuk ka çmim të shënuar për pjesët e këmbimit," tha Rumen Geçev nga Partia Socialiste Bullgare /BSP/.