Mbi 12 000 të huaj nga vendet jashtë BE-së kanë marrë leje të ndryshme pune në vend që nga fillimi i vitit. Sipas Agjencisë së Punësimit, ndërtimi është sektori kryesor në të cilin punojnë të huajt, me numrin më të madh të tyre në Sofje, Plovdiv, Varna, Burgas dhe Elin Pelin. 6837 persona nga vendet jashtë BE-së janë regjistruar për punësim sezonal deri në 90 ditë. Ata kanë punuar në industrinë e hotelerisë dhe restoranteve, si dhe në bujqësi, pylltari dhe peshkim. Janë të regjistruar për të punuar në vendin tonë 156 të huaj me origjinë bullgare: nga Moldavia – 54; Rusia – 49; Serbia – 28; Ukraina - 19 dhe Maqedonia e Veriut - 5. Ata janë të punësuar kryesisht në bazë të marrëveshjeve dypalëshe të punës midis Bullgarisë dhe vendit përkatës. 2134 shtetas të vendeve të treta punojnë në Bullgari me “Kartën Blu të BE-së” për punësim të kualifikuar.