Më 15 nëntor fillon kreshma e dytë më e gjatë në traditën tonë ortodokse, e cila përbën një përgatitje për kremtimin e Lindjes së Zotit Jezu Krisht.

Konsiderohet se, edhe pse zgjat 40 ditë, kreshma e Krishtlindjeve nuk është aq e rreptë sa kreshmët shumëditore që i paraprijnë Pashkëve dhe Fjetjes së Hyjlindëses Mari. Periudhës së gjatë të përmbajtjes nga ushqimi me origjinë shtazore i paraprin riti në të cilin gjithë familja mblidhet në një tryezë të pasur me gjella të llojllojshme ku të gjithë falen për të qetësuar mendjen dhe ndërgjegjen. Kjo ndodh në prag të Kreshmës, mbrëmjen e 14 nëntorit. Të gjitha këto veprime vjen për të përgatitur besimtarët për periudhën e gjatë të privimit shpirtëror dhe fizik, në të cilën udhëheqëse duhet të jenë fjalët e Shën Gjon Gojëmbli: “Dobia e kreshmës nuk duhet të të kufizojë vetëm në mosngrënjen e ushqimit të ndaluar, sepse kreshma e vërtetë është largimi nga të këqijat. Shmangni padrejtësinë. Falni fyerjen të afërmit. Thjeshtoni punët e debitorit tuaj”.

• Kreshmët – në jetën e përditshme dhe festive të bullgarit

Sipas Statutit të Kishës Ortodokse Bullgare, gjatë javës së parë të Kreshmës së Krishtlindjeve, si dhe nga data 20 deri më 24 dhjetor, konsumohet vetëm ushqim bimor me vaj. Në pjesën tjetër të ditëve të kreshmës (përveç të mërkurës dhe të premtes) lejohen jovertebrorët (kërmijtë, midhjet, oktapodët etj.), të cilët pranohen edhe si ushqime kreshme. Tradita dikton që më 21 Nëntor – Ditën e Hyrjes së  Virgjëreshës Mari në Tempull dhe më 6 Dhjetor - Ditën e Shën Nikolla Çudibërësit, mund të konsumohet edhe peshku.

Lexoni më shumë:

• Me kreshmë besimtarët ortodoks po përgatiten për Lindjen e Krishtit

• Kreshmët e Krishtlindjes – një kohë për të pastruar shpirtrat dhe për të mbushur zemrat me dashuri

• Kreshmët e Krishtlindjeve – le të përgatitemi të duam

Redaktore: Elena Karkallanova

Përgatiti në shqip dhe publikoi: Svetllana Dimitrova

Foto: arkiv, BTA