Orkestra e Muzikës Popullore e Caribrodit do të ketë premierën e saj në Studion e Parë të Radios Kombëtare Bullgare (BNR) më 30 tetor, të hënën, në orën 19:00. Në prag të Ditës së Iluministëve të Popullit, të cilën e shënojmë më 1 nëntorin, dhe Ditës së Krahinave Perëndimore, më 8 nëntorin, bashkatdhetarët tanë nga ky rajon do të mbajnë një koncert special në Sofje me ftesë të Radios Kombëtare Bullgare.
Orkestra e Muzikës Popullore e Caribrodit u krijua në vitin 2010 nga entuziastë që kanë profesionet e tyre, por janë të bashkuar nga dashuria për muzikën. Ata ekzekutojnë muzikë të vjetër urbane dhe popullore nga Bullgaria dhe Serbia me dëshirën për të ruajtur muzikën tradicionale të kësaj pjese të Ballkanit. Orkestra merr pjesë në programet e Radio-Televizionit Publik Serb (RTS). Muzikantët janë mysafirë të shpeshtë në veprimtari kushtuar kulturës së pakicave, ku prezantojnë traditat e bullgarëve nga Serbia.
Në vitin 2011, Orkestra e Muzikës Popullore të Caribrodit mori pjesë në "Pirin Folk" në qytetin Sandanski, ku fitoi çmimin e dytë të publikut për këngën origjinale prej autori "E dashur motër, Stara Planino".
Në vitin 2019, në Studion e Dytë të Radios Kombëtare Bullgare, Orkestra regjistroi albumin e parë me dhjetë këngë.
Përpilues: Elena Karkallanova
Përgatiti në shqip dhe publikoi: Svetllana Dimittrova
Sofia Summer Fest – Edicioni Underground, pjesë e Sofia Summer Fest, hapet sonte. Kjo do të ndodhë me një koncert në të cilin do të dëgjojmë dy këngëtaret që me këngët e tyre shënuan muzikën bullgare në prag të mijëvjeçarit të ri - Irina Fllorin dhe..
Toni Dimitrova – këngëtarja me zë karakteristik, e cila është kthyer në një nga simbolet artistike të qytetit bregdetar Burgas – prezanton koncertin e saj solo “Kohë për dashuri” nën qiellin e hapur. Ai është pjesë e turneut të saj kombëtar, duke..
“Horizont” është një grup me një histori 40-vjeçare. I formuar në vitin 1984 nga shokët e klasës dhe miqtë, grupi i ka mbetur besnik rock-ut melodik për katër dekada. Në vitin 1994 nisi zyrtarisht performanca e tij e parë profesionale në skenën e..
Pas 17 takimesh të suksesshme në Evropë, formati i njohur letrar "Kutia postare për përralla" vazhdon turneun evropian me 11 vende të tjera. Ai paraqet..
Edicioni i dytë i festivalit për muzikën e rrugës dhe kulturën autentike urbane Street Music Fest pret fansat e tij nga 27 deri më 29 shtator në sheshin..