70% e refugjatëve ukrainas që banojnë në vendin tonë janë gra. Po aq janë edhe të diplomuarit. 28% nga të gjitha refugjatët ukrainas janë nën 14 vjeç. Midis 48 dhe 55 mijë janë fëmijët e shoqëruar, kurse të pashoqëruarit - rreth 500. Këtë e tregon një studim sociologjik për profilin e qytetarëve të vendeve të treta që kanë marrë mbrojtje të përkohshme në Bullgari, njoftoi gazetarja e BNR Svetosllava Kuzmanova. Numri më i madh i refugjatëve është në qytetet Varna, Burgas, Plovdiv, Sofje, Bllagoevgrad, Stara Zagora dhe Ruse - nga 1000 deri në disa mijëra. Në Bullgarinë Veriperëndimore -  në qytetet Vidin, Vraca dhe Montana, refugjatët ukrainas që përfitojnë nga mbrojtja e përkohshme janë nga 30 deri në 70 persona për secilin nga tri rrethet. Sipas të dhënave të Agjenciaë Shtetërore për Refugjatët, që nga gushti, rreth 168 000 refugjatë ukrainas morën mbrojtje.