Më 15 gusht, këngëtarja popullore me famë botërore Janka Rupkina feston ditëlindjen e saj të 85-të. E lindur në vitin 1938 në fshatin Bogdanovo, atëherë në Mbretërinë e Bullgarisë, fillimisht zgjodhi një tjetër profesion fisnik – mbaroi Shkollën Teknike për Infermiere në Burgas. Por fati ndërhyri kur 22-vjeçarja Janka fitoi çmimin e parë në tubimin e këngës në fshatin Gramatikovo. Aty u vu re nga folkloristët, të cilët e ftuan të paraqitej në Sofje në një konkurs të Ansamblit për Këngë Popullore të Radios Kombëtare Bullgare. Janka Rupkina fitoi konkursin dhe që nga viti 1960 për tre dekada ishte soliste e këtij formacioni.
Ndër vite ajo realizoi shumë regjistrime për fondin e Radios Kombëtare Bullgare (BNR), nxori pllaka gramafoni në “Balkanton”, xhiroi filma për Televizionin Kombëtar Bullgar (BNT). Në fund të viteve 70-të të shekullit të kaluarformoi Trion “Bëllgarka” së bashku me këngëtaret Eva Georgieva dhe Stojanka Boneva. Me këtë treshe, Janka Rupkina fitoi popullaritet në mbarë botën dhe prezantoi këngën popullore bullgare në të gjithë rruzullin. Si soliste dhe me trion realizoi projekte të përbashkëta me muzikantë me famë botërore si Kejt Bush, Kris de Bërg, Xhorxh Harisën, Linda Ronstad, “Transglobal Underground” e të tjerë. Gjatë karrierës së saj të gjatë krijuese, ajo u bë mbajtëse e shumë çmimeve.
Kënga e saj “Kalimanku, Denku” e aranzhuar nga Krasimir Kjurkçijski i bëri përshtypje veçanërisht producentit zviceran Marsell Selie, i cili e renditi atë në titujt e tij të preferuar në serinë e albumeve të korit “Misteri i zërave bullgarë”. Kjo këngë popullore nga rajoni i malit Stranxha tregon për një dashuri të palumtur të lindur nga një zakon i lashtë. Në rajonin e malit Stranxha, kumbaria konsiderohej farefisnori dhe nuk lejonte që kumbari dhe kumbare të donin njëri-tjetrin.
Redaktore: DiljanaTraçeva
Përgatiti në shqip: Svetllana Dimitrova
Grupi “Ostava” e ka bërë traditë që në fillim të shtatorit të festojë ditëlindjen me një koncert në “Majmunarnika” – një vend i njohur në qendër të Kopshtit të Borisit në Sofje. Këtë vit tradita vazhdon me një takim me publikun në datën 11..
Autor i muzikës, tekstit dhe aranzhimit është Dimitër Bodurov, një burrë nga një vendbanim i vogël që u vendos për të jetuar në qytetin Stara Zagora disa kohë më parë. Si një dashamirës i muzikës që në fëmijëri, ai regjistroi të gjitha këngët e tij..
Miqtë dhe adhuruesit do të nderojnë kujtimin e këngëtarit dhe kompozitor të njohur të pop-rokut Georgi Minçev , i cili u largua nga bota jonë 23 vjet më parë. Festivali i muzikës rok dhe blues "Lule për Gosho" zhvillohet më 7 dhe 8 shtator në..
Pas 17 takimesh të suksesshme në Evropë, formati i njohur letrar "Kutia postare për përralla" vazhdon turneun evropian me 11 vende të tjera. Ai paraqet..
Edicioni i dytë i festivalit për muzikën e rrugës dhe kulturën autentike urbane Street Music Fest pret fansat e tij nga 27 deri më 29 shtator në sheshin..