“Mirotvorec” është një faqe joqeveritare dhe nuk përbën kërcënim për njerëzit e përfshirë në të. Kështu deklaroi ministri i mbrojtjes Todor Tagarev pas përfundimit të mbledhjes së sotme të qeverisë. Kujtojmë se në korrik presidenti Rumen Radev bëri thirrje për mbrojtjen e një numri bullgarësh të përfshirë në listën e personave të caktuar si armiq të Ukrainës në faqen ukrainase “Mirotvorec”.

“Një grup qytetarësh shprehin pakënaqësi për sjelljen dhe propagandën e një grupi tjetër qytetarësh që dëmtojnë interesat e Ukrainës dhe mbështesin pozicionet ruse në këtë konflikt. Kjo ka pasoja komunikuese, ashtu si dhe veprimet e shumë gazetarëve në listë” komentoi ministri.

Sipas tij, faqja “Mirotvorec” nuk ishte një temë konkrete e takimit midis Tagarev dhe kreut të Drejtorisë kryesore “Inteligjencë” të Ministrisë së Mbrojtjes së Ukrainës, gjeneralmajor Kirillo Budanov, javën e kaluar në Bullgari.

Në një mesazh të përhapur dje nga shërbimi i inteligjencës ushtarake bullgare për vizitën e gjeneralit Budanvov në vendin tonë, thuhet se “nga pala bullgare u ngrit dhe u sqarua çështja me faqen “Mirotvorec”.

• Shefi i inteligjencës ukrainase ishte për një vizitë në Bullgari